下馬威嗎？

放完假番工，仍然努力對緊啲personal data，對到我都唔知自己想點，因為仍然沒完沒了，但我預計聽日應該可以完工，噢~謝天謝地！

但係我對某分店嘅文員已經存有好嚴重偏見，因為自從上一次我睇錯嘢佢好似大家姐咁「教導」我嘅時候我已經知佢麻煩，今日又一力作。「靚姐」打黎話點解啲例假係咁計，我即刻呆左，因為佢都做左好幾年，而歷史遺留落黎嘅問題係佢地喺excel set左formula係咁計，嗰時「雲地」教我都話唔使理，只係同佢地講係條formula出就得，佢竟然打黎問我......

我講完俾「靚姐」聽佢又好似好唔滿意咁，我咪同「雲地」講囉！天呀！我知你地好鍾意宣示主權，但sorry呀！我唸你攪錯，我都只係依本子辦事，啲嘢唔係我話點就點，好似一有新人番工要challenge下你，唉~已經好忙，又俾你嘥左我成粒鐘，頂~

放工趕出銅鑼灣上堂，鬼叫有次自己衰唔舒服，唔係我今堂唔鬼番添呀！真係謝天謝地，終於挨完個course，但如果有朋友想去HKMA讀嗰張Cert. in HRM真係叫佢三思，個阿sir真係好唔掂齋吹水，而佢只係用自己嗰套黎教你，並未能全面覆蓋現今HR嘅發展，而我上完我真係完全覺得係嘥錢，反而Cert. in Employment Ordiance個阿sir真係教得好好又有料~

今日BU SCE嗰邊打黎叫我俾番OU啲嘢佢做supporting黎審批我dip.嘅入學申請，努力整好佢先！