尋日覆診一記

近日仍然同個病大戰中，雖然傷痕累累，但我要努力，因為我身邊仲有好多人會撐我。早尋日去覆診，我好直接同梁醫生講，我仲未過試用期，可唔可以唔使咁密覆診，我明白我嘅情況對於大家黎講並唔樂觀，我只係好想好想留喺度做，因為我相信自己係可以挨過，因為我黎左差唔多3個月，呢兩個幾月工作都做到唔錯，只係近日病發後工作表現真係差左，但我有信心可以改。幸而得到梁醫生信任，可以14號先覆診，嗰日仲要見埋孫小姐。

今日番工，其實都唔係好順利，因為又入MPF對唔到數，最後投降放工。今日去左荃灣，拎左個新寬頻機番黎，可以插多過一部腦上網呢！就因為咁我先夜晚上番網。平日都係阿妹用黎玩facebook啲games。之後又行左好耐，買左個防毒俾我部腦，而家可以安心用佢上網喇！

之後出左屯門，行左一陣，就係cheese pizza食，今個星期第二次喇！不過我仍然好鍾意食，可能我都係為食掛？