My last day in Atkins

今朝好早去左覆診，梁醫生放假，以我一向作風係唔會同啲代診醫生合作，因為佢地係唔會睇你病歷去問長問短，永遠怕佢地煩而敷衍了事。睇完醫生拎埋藥先10點7個字，搭車番工。

番到公司先12點，大家都忙碌著！但係Alice好得意地話佢呢個時候仲未落粉，所以要影過張相喎！所以我地又傻傻咁影左張合照~不過佢今日個粧都好靚，好自然，令到佢當然令女左~

但係我真係好鍾意大家，所以都趁最後一day同大家食多餐飯，但好唔好意思地佢地又請我食飯呢！食飽飽我又盡番我嘅責任為大家服務，幫佢地印左好多嘢，我唸夠挨兩個星期嘅消耗量嘅~而我為大家送上一啲零食當係心意。

而各同事好好為我走所需嘅嘢都好準時咁早，例如reference letter啦！可以今日拎，連出糧平日離職同事可能要等到7號而阿Pam話今日已經入左數。多謝您地對我咁好！遇到您地係我嘅福氣，因為我覺得要喺工作上遇到夾得黎、又投契嘅同事係好難得，每日大家雖然都係戰埸中工作，但係大家仍會為對方送上關心，呢一份正能量已經係大家相處間最好嘅禮物！因為正能量會為大家更能一齊並肩作戰呢！

回想上一份工，工作已經唔如意，但同事間總有人發放負能量，真係完全唔鍾意番工，雖然話番工係為錢，但係同事相處更影響您喺公司嘅工作，大家一齊合作下先會做到好成績。

打過離別嘅貓貓，於是離開公司，而Liza陪到我出走廊，好特別嘅感覺，因為我黎呢間公司interview，係Liza幫我整嘢影印，第一個接觸應該係佢吧！估唔到走都係由佢送我，好似好頭好尾一樣，感覺好特別！但係眼淺嘅我強忍淚水，當踏出lift門第一步，眼淚已經急不及待湧出，傻傻嘅我喊左出黎，因為要離開呢個大家庭真係令人感到不快，雖然我明白出面發展會比呢度好，但係唔捨得就係唔捨得！明白，天下無不散之筵席，但當真正曲終人散時總會有人感到傷感，而我就係呢個人。眼淚不停咁流，好似開水喉咁，淚水未能沖走我嘅傷感，最後我都冇番學，因為已經喊到冇晒心機。

Jacky叫我去觀塘拎書順道陪我散散心，拎書後喺apm度遊蕩，見到有兩個外籍人士正為復活節整緊大型裝飾物。

我更圍繞住佢地嘅作品黎影相，影得不亦樂乎，或許我要感染一點點快樂嘅氣氛吧！心情因而先慢慢好了一點點。到Jacky黎左，我地去左Muji行左個圈，Jacky又要令我呢個小朋友開心喺Muji買左我近黎愛上嘅人參湯雞粥俾我，獨立包裝，用熱水暖佢加熱就食得；又為我送上粟米湯，為食嘅我先感到一點點開心，始終我係一隻好易對人動情嘅動物。又喺我要求放縱下去左KFC食晚餐，食完後我已經有少少咳，我會保重，只係俾自己放縱一下，發洩下而已。

聽日行程將會相當緊密，例先去馬料水見LRO，我唸將會係一個好好嘅見工經驗，因為我未見過呢個post嫁！好期待！之後去旺角見文員，食完飯去一間小學見ACO，估唔到第一日已經咁忙，希望新嘅開始由此起，更希望BU會收我讀HR，因為我都要做過professional嘅HR從業員。