普選/大選

當唐英年說要堅持「加劇」「貧富懸殊」架時候...

當曾蔭權叫醫生、律師去天水圍買樓架時候...

我就知道，香港特區政府架涼薄...唯有期望年尾政改方案

普選係基本法給予香港人的，我相信再厚顏無恥的政府也不能說「不」

好....看了政改方案....憤怒、失望、無言...

香港...沒有希望了...被大陸人一日一日甘「陰光」(唔知有無形容詞可以更貼切)

香港d樓價日日係甘俾d大陸暴愛戶高抄...

香港d資源係甘俾d「大陸bb」....對...就係父母係100%大陸人...黎香港生仔...個仔就叫「香港人」...而家仲話要爭取埋父母「居港權」....香港有咩法子仲有前途

本來身為中國人，非常希望祖國強大，畢竟我地都被外國「蝦」左過百年

好啦....而家中國係有錢，有勢，但問題係呢...國際社會係唔係真係睇得起中國???

就舉個列...

有一次我去harrods(倫敦出名架奢侈品百貨公司)....幫哥哥買名牌銀包，個日有9折event...當然好多人，其實係見到好多中國人 (好多暴發戶)

行過LV counter，見到清一色中國遊客，用「搶」「大白菜」架面孔...「搶」LV...

我以為有特價啦...就走入去八卦...咦...係正價...而且LV唔參加九折活動...甘就打算走...

其中一個著得好「富貴」架中國女人，用非常無禮貌架聲線同我講:「你!!!替我跟他說要這個!!!」

佢指完我就指住個SALES哥哥，聲大夾惡，SALES哥哥用一個好不屑架眼神望住我...(我估佢都俾d暴發戶鬧唔少)...或者佢以為我同個堆中國人係同一堆人>.<

第一次...我尷尬到想「除」左中國人「塊皮」...做白人、黑人、非洲人...總次果一刻就唔想做中國人>.<

我唯有好無奈甘講...「我不是在這裡工作>.<」....跟住佢仲用力甘拉住我隻手，係甘迫我幫佢問，我即時目露兇光 (係超級兇，我當然唔會打佢，我會報警，告佢打我...我仲有理智...放心)，掙脫離開

去到BV counter，一個暴發戶都無....心都定d...雖然最後都買唔到哥哥想買架銀包...但職員架態度明顯比對暴發戶好好多...其實人地工作姐，真係無必要好似奴隸甘受氣，有失中國多年「禮儀之邦」架名聱

所以我覺得中國暴發戶口袋係多左錢，但心智好似仲未開發架蠻荒行為，你叫國際社會點「睇得起」中國...睇落好心酸>.<

如果過多5年10年，香港普選道路仍然係停滯不前，而我又同佢結到婚架話，我估我會跟佢入籍英國，想下一代係一個「自由、開放、平等」，最重要係...有得選擇代表自己架政府，而個政府又係向佢地人民交付架環境下長大...

由細到大讀中史都為中國驕傲，被列強欺壓時感痛心，但而家眼見中國人「踐踏」中國人，我真係無眼睇....想離開....

下年5月就係英國大選，工黨因為做唔到競選承諾而bye bye...

英國人無論呢一刻受幾多挫折都好...佢地知道有大選就有希望....香港呢???

甘我地呢個一心「加劇貧富懸殊」架政府係唔係無普選就會變本加厲...好驚

一段令我氣憤架今日社評....來自東方日報架劉濟昆

「多年來，中央是香港的黃大仙，曾班子施政無能，但乞求有方，向中央要這要那，零關稅、個人遊、人民幣等等，都要來了！差一點連「港股直通車」都從天津開來，那真是「香港想窮都難」。

那麼，普選是不是好東西？如果是，煲呔曾就應到北京去三跪九叩首，乞求在他任期內就將「普選大禮」送來。為何遲遲不送？很簡單，普選未必是好東西。若這兩年內普選，公民黨的諸多反共悍將就可能得其所哉，其他漢奸國賊也有機會，那還得了？那不等於香港變成顛覆基地？」

PS...點解香港有甘多「賣港求榮」架人...好失望