鬆弛熊唔見 o左...

21 號...星期六...

本來約 o左小冰, 阿雪佢地打邊爐...

我六點放工...就搭公司車落荃灣等佢地...

期間阿欣打 o黎話晏 d, 要等埋婷婷無咁早食喎...

心知有排都未有得食...就直頭話唔食...返屋企算...

臨離開南豐...o係出門附近見到有新開 o既舖頭...就入去睇下啦...

咦...有間舖頭...有好多鬆弛熊產品賣架...好得意...

雖然我唔係粉絲...但都睇 o左一陣呢...

突然...俾我見到呢度夾...



係用 o黎夾住 d 線...對我 o黎講好有用呢...

我成日用電話聽歌...但...條線太長喇...我成日都被 o野勾住...

上次跌爛部 g900...就係因為條 hand free...

不過...鬆弛熊用 o左唔夠一個禮拜就連埋條 hand free 唔見 o左 lu...@@

話說有日...放工趕頭趕命要趕車...

同事們都行唒出去等 lift...我就好心急咁拎住唒所有 o野攬住個袋就衝 o左出去...

o係 lift 入面...同事莎拉幫我拎塞唒 d o野落個袋度...除 o左個員工證...

明明兩個人六隻眼睇住放 o左落袋架...!!

但第二朝想搵 o黎傾電話時又搵唔到...直至而家都搵唔返...

亦都 o係公司問過保安...問佢地 d 夜更同事有無見過...答案都係無...

阿勤就話...一直係我擺條 hand free 入袋時...同第四度空間連接 o左喎...@@