《大門橫丁》@ TST

之前幾日係咁煮煮煮.....

都係時候比個爐抖一抖喇~

是日因為要陪好友A去試衫,

所以一早決定去TST食日本嘢,

費時試完衫無力去諗其他嘢......

原本我哋係決定去試呢間嘅,

鋪頭細細嘅日本嘢我哋最鍾意試,

因為分分鐘有驚喜!!!!!

點知我哋7點未到就去到,

門口已經有一條龍.......

唉...... 咁樣嘅情況點等呀?!?!?!

唯有擇日重試啦~

呢個時候我哋再行返去厚福街,

因為之前見到佢,

介乎想試同唔試之間......

比佢吸引係因為有串燒,

好, 即管試試~

點知去到都係要等......

好彩都係等兩張枱啫......

終於可以坐低睇吓menu有咩食喇~

呢個menu無嘅,

係個侍應妹妹介紹嘅~

天婦羅XX蟹腳

嘩~ 唔係講笑, 真係超熱!!!!!!

一食就知一定係即刻整嘅, 讚!!!!!!!

同埋真係用蟹腳整嘅,

好好味~ $40幾蚊絕對超值~

和牛大蔥串

好味好味好好味~

牛好腍, 好有牛味, 好香~ ㊣

蟹子沙律

呢個就真係失色喇,

個醬唔知點解有啲怪,

唔係個味道怪, 而係我個人覺得太厚,

唔知大家明唔明我講咩呢???

燒牛舌

食串燒同鍾意食牛人士必食~

好香, 好味, 同埋落咗好多黑椒!!!!!

燒鯖魚

我呢期至愛, 去親邊到都問人哋有無得食!!!!!

呢個menu都係無嘅,

好彩問一問, 哈哈......

嗯...... 佢唔係唔好食,

都好味嘅, 但係就唔夠肥美啫~

另外值得一提嘅係, 我哋一知有鯖魚就即刻話要,

完全無問到價錢,

個妹妹又好快手咁幫我哋落咗單,

跟住隔咗一陣,

佢話: 唔好意思, 頭先掛住幫你哋落單,

唔記得話比你知個魚幾多錢.....

係$48呀~ 唔好意思~

哈哈..... 我哋真係一啲都唔介意喎~

不過可以理解到佢嘅service係幾好~

真係要喺到讚吓佢呀!!!!!!!

燒雞翼

唔好睇佢個樣燶燶哋,

但又真係幾好味, 好夠味~

燒雞軟骨 - 辣味

好正, 好惹味~

燒雞皮

哈哈..... 得佢一枝係咪好孤獨呢?!?!?!

真係陰公, 不過無法啦,

我哋叫咗兩串嘅,

但係廚房miss咗一串,

所以佢咪咁囉~

不過佢哋都好快幫我哋跟返喇~

講返個雞皮, 真係㊣!!!!!!

因為佢真係外脆內軟嘅,

又夠味道!!!!!!

既然佢呢到有出名烏冬,

咁就梗係要試吓啦~

極上牛烏冬 - 蕃茄湯底

湯底鮮甜, 牛肉好嫩, 烏冬彈牙~

呢個係跟烏冬嘅糖心蛋

雖然我無食, 但個樣都好似好得咁~

豬頸肉年糕串

勁好味~ 連好友A一向唔食年糕嘅都話好味~

佢啲醬好惹味, 同埋年糕細細粒,

唔似平時果啲咁大大嚿,

食少少已然好飽~

燒雞腎

呢個就麻麻哋喇真係,

有啲乾~ 味道都係一般~

燒粟米

好友A獨享, 佢話都幾甜~

不過係細串咗少少囉~

雞皮串燒蝦仔

雖然話係蝦仔, 但係都唔算好細隻,

同埋好有蝦味, 肉都好彈牙~

又係$40幾蚊5隻, 都好抵~

呢間嘢真係好有驚喜!!!!!!! 一定會再去食!!!!!!

因為佢哋啲串燒唔係等埋其他果啲先一齊出,

而係邊串燒好, 就出邊串,

所以所有嘢都好熱好好味~

而且侍應s個個都好好,

雖然好多客又好忙,

但係都會成日幫你加水,

又好好笑容, 又熱心~

★真係超讚!!!!!!!