萬聖過後

話咁快就一年，仲記得上年萬聖節同少爺係蘭桂坊人迫人，今年我地無出動，因為唔想同人迫囉。

第二日瞓醒去佐郎豪坊食佐個 lunch，點知未拆啲萬聖怪物，咁少爺咪周圍影吓相！

我地去佐 Mr. Steak 食 lunch，去到都無人以為未開門，原來係未有人幫襯，我地做佐第一pair客人！

睇吓今日個餐牌

環境唔錯架，係半自助餐，我最喜愛既沙律吧

餐湯係蕃茄湯

邊食沙律邊等主菜

一個意粉(海鮮南瓜汁意大利扁意粉)

一個爐魚(爐魚配什菌忌廉汁)

食飽飽飲杯檸檬水

仲有甜品-榛子蛋糕

唔知係咪尋晚啲人玩得夜，所以周圍都無乜人，哈哈！唔知以為少爺包佐場同我食飯，我地差不多食飽飽才有人幫襯。

呢個lunch都幾好食，都算多野食啦，仲要慢慢坐慢慢嘆，幾咁寫意，食飽飽當然到樓下商場 Shopping。