忙裡偷閒

今日本應很多野做, 不過唔想push得個人咁緊張, 讓狀態可以調節得好d,留力去到12月中至聖誕的高峰期至谷盡去,因為我怕我到時又捱唔住倒下就麻煩了, 而且上星期倫牧要我背晒d聖誕歌總譜,聖誕節我要指小型管弦樂隊, 這星期日便要實戰去綵排了, 我d指揮未夠班就要頂硬上, 講真我沒想到咁快就要擔這麼重的重任, 這次指的又唔係自己寫, 要背晒真有點困難, 只不過老細話要背晒, 我當時唔夠膽話唔得lor! 仲要指足三場,這次慘了~有壓力~!

所以都係放慢手腳來做,有時d野係長命功夫長命做,做極也做不完的, 太大壓力只會減低效率, 想要快但最終反得個慢。

有同事問我今日係唔係返到夜晚,其實我試過追更星期四返早,但真係好辛苦,只是星期日追更返早,已夠辛苦的了,如果一星期要追兩更真係太辛苦了,還是返晏我會做野醒晨d。 

為了貫切忙裡偷閒,放工入了大埔同Anna食Rainbow, 吃了杏沙糖不甩和喳咋,

由Anna屋企跑去火車站趕得及尾班車,在樓下碰到去完街的細妹。

因為上星期調了假出音樂會,所以明天沒有dayoff要返工。

希望明天起到身去做Gym, 忙了個幾月, 我已個半月沒做Gym了, 有做Gym做運動的日子真係新陳代謝快d, 每日睡6小時已很精神會自動起到身, 但現在要睡足8小時才起到身, 即係我每日蝕了兩小時,一星期蝕了14小時, oh~因小失大太不值了!

我都勸籲各位好友多運動, 對你的得益要比你可計到的要大的。 

而且近日個個都話我捱到瘦了很多, 有d衫都發覺比之前鬆身了, 我要練返大隻d了。