a la umai

今年慶祝陳氏姊妹生日o既地點就係我一個月前已經 book 定o既 a la umai 喇~

(間o野o既燈光奇暗, 有 d 相唔係好清楚, 你睇o下下面張相黑成點就知.....淨係得檯面有射燈照住.....)

陳氏姊妹生日快樂喇~~~

好, 係時候睇o下 d o野食喇~

1. 煙三文魚牛油果沙律

集合o左我鐘意食o既 ingredients, 個煙三文魚味道都 ok, 最鐘意有煙燻味o既o野, 牛油果夠腍, 唔錯

2. 生蠔 (fine de claire + 一款唔記得叫咩 bay o既美國蠔)

都幾夠新鮮, 不過唔算好突出

3. 和牛刺身

全晚最滿意o既一個 course, 好濃o既牛味, 脂肪夠多, 亦分佈得好均勻, 入口即溶又冇筋, 仲唔會切得太薄, 唯一係個 dipping sauce 麻麻地, 如果酸味重少少會仲好食, 二百幾蚊一客, 一 d 都唔貴

4. 和牛尾湯

我o地只係叫o左兩客o黎 share, 相入面就係半客o既份量, 如果一人叫一客一定飽到嘔......個湯好 rich, 有少少牛肉碎, 個牛尾煮到好腍好腍, 好味~

5. 和牛三寶

呢道菜其實係一個 stew, 三寶分別係牛尾, 牛面豬登同牛'月展', 呢碟o野上檯o既時候其實我已經相當飽, 所以我淨係試o左少少牛尾 & 食o左一o舊牛面肉, 個牛面肉幾好味 (不過都係 harlan's o個個好味好多  ), 牛尾亦唔錯, 朋友話牛'月展'最好食, 不過我真係一 d 都食唔落......

6. 超嫩澳洲和牛扒

冇錯, 我o地四個好似同牛有仇咁, 呢個牛扒只係普通, 唔係特別嫩, 唔係特別 juicy, 唔係特別香, 大把地方o既牛扒好食過佢......我只係食o左一小塊.....

7. 香煎日本雞扒配黑椒汁

呢個雞扒仲好味過個牛扒, 不過又唔係話非常特別, 可取之處係都幾夠雞味o既.....我亦都只係試o左一小塊, 另外三位女子非常厲害, 除o左個和牛三寶食淨o左之外, 其他o野食部清晒.................

8. Green salad

全部 main course 都係肉, 我食到有少少反胃......問個 waiter 有冇 d 有菜o既 dish, 佢話淨係得芝士焗 mushroom, 完全係會令到我更反胃o既o野, 於是要o左個 green salad......

9. 甜品有

番薯 sherbet

南瓜 sherbet

餐廳送o既 chocolate mousse cake

亦都係餐廳送o既 tiramisu

個人最鐘意食蕃薯 sherbet, 至於餐廳自家出品o既 mousse cake 同 tiramisu 都 ok o既......

食o左咁多o野仲開o左支梅酒, 埋單 total $21xx, 都唔算好貴, 不過又未至於好食到想再去o既地步......順帶一提, 間餐廳o既 view 好靚, 望到成個 victoria harbour, o係o個度睇煙花應該好正......