有驚無險7天假期(三)

回到家謝左大半,晚上走左去附近的KLCC吃飯加行街,但好無奈我最喜歡的vietnam店轉左第2間,仲要貴到嘔同好難吃,吃完大家都話唔值

之後去左Isetan買玩具比小芸,點知就出事啦,驚險事件發生...我竟然比人偷左成個手袋

本來我係把手袋掛在bb車上,阿媽負責推,點知有人玩聲東擊西,係咁問我阿媽野,就係咁比人偷左手袋都唔知,但我係超超超超超超超超超超超超超超超幸運,竟然有人睇到而嚇到個賊掉下個袋走左.就係咁我無任何損失.....但我地真係驚左成晚...當時手袋入面有錢有credit card又有我的HK ID CARD,仲有相機,無左就死得囉,成個vacation一定變左補領證件...anyway以後都唔敢放在bb車了=.=

第5日阿媽同小芸全日在家,因為我同老公要去TRAVEL FAIR睇下有無平機票,點知得7日/14日有平,唉白行.....回到家發現阿媽清潔到屋企好乾淨,仲整埋野比我地吃,都話阿媽在身邊係幸福D(唔計佢嘮叨時,HAHA)

第6日去左The Curve & Ikano,一來媽咪未來過這shopping mall,二來聽朋友講多左d好好玩的車比小朋友坐,所以就去8下

諗唔到真係咁好玩,有好多玩具車比你選,細的小朋友可以由daddy mami用remote control(好似搖控車)咁控制架車行去邊,大d既就自己控制,比左RM3玩左5分鐘,下次比佢玩10分鐘先,因為小芸真係玩到好開心唔想走

全日就係咁行下坐下吃下飲下,咁又過左一日,第2日阿媽竟一早起身煮左2日的食物比我,驚我無好野吃咁,真係好唔捨得阿媽回hk....但呢7日真係過得好開心,而且事事順利