中史是皇道

  今日張老師借堂上中史堂，講番我地下星期考試要點考同埋派番Quiz 2 同 Quiz 3比我地。

  估唔到佢o甘快就發揮到「爛gag王」作用，一開始叫我出去拎卷跟住又叫我唔好拎住，等人地拎晒先。唔通我今次考得好差？

  不過世事難料。跟住佢就話我係全班最高分，Quiz 2有19.5/20；Quiz 3有30/30；總分49.5/50。佢仲話第二名果位o係Quiz 2差我0.5分，話我做咩0.5分都要爭，話搵d地方扣下我分。

  派完卷就講考試要點考。張老師一向都鐘意話自己係皇帝，佢話S.2C班人敬禮果陣話：「吾皇萬歲萬歲萬萬歲！」，去廁所會講：「奴才可唔可以去茅廁？」等等。難道張Sir o既文化已經傳揚開去？

呢題好唔抵呀，應該寫「和親」先岩架！

張老師話我後面分析題答得好好，哈哈！

琴日我交番d卷比老師，佢幫我睇下我考成點，個眼神仲好似話我考得好差，原來一切都係假象！