18-12-2008：Bohol島探索探索(Part 1)

第三日o既行程非常緊湊呀，精彩到我要分三篇blog blog o黎話俾大家聽呀~都算係重點遊之一吧，我o地呢日去Bohol Island，有D人會住係Bohol o個邊一兩晚，咁就冇咁趕o羅，但我o地四晚都住係Cebu o既Mactan Island，要即日來回Bohol就趕少少o羅~偏偏酒店早餐六點鐘就有得食，咁我o地為o左食早餐，五點幾就起身啦，之後六點九就搭之前約好o既的士，呀Rico架車出o黎Cebu City o既碼頭~

其實有好多間船公司有船去Bohol，我o地揀o左supercat o黎搭，貪佢時間又唔太早又唔太遲~買票時個櫃位staff問我o地要唔要join guided tour，經過深思熟慮之後，雖然比較人o地自己包車貴，但都決定join，起碼一次俾多D錢，唔駛之後不斷地做水魚嘛~book o左個tour就可以安枕無憂~

留意我件tee﹗係我出發旅行之前係esprit outlet買o架，因為就快放假，心情甚佳，所以買o左幾件tee o黎去旅行﹗呢件係「lazy days」，o岩晒我o既holiday mood﹗

晨光初現，個海好靚呀~

經過一個鐘頭四十五分鐘o既船程，我o地抵達Bohol o既Tagbilaran港了，去到時我o地o既導遊connie已經等緊我o地了~

仲即刻送o左眼鏡猴頸鍊俾我o地添~有兩條啦~因為我見第一日o既貝殼頸鍊好靚，所以我戴晒上身﹗唔係好襯咩？

第一站係血盟之地，個雕塑紀念o既係一段cebu o既歷史，係西班牙人同cebu人o既友好象徵~對開外面仲有無敵大海景呀﹗

之後我o地去bohol最古老最古老o既教堂，同埋附設o既博物館，入面充滿住舊o既東東呢，多數都係禮儀時用o既器具。

教堂o既祭壇

入面維修欠佳，但外面就好古典好靚喇﹗

去下一個景點o既途中，每見到D有趣o既東東，導遊小姐就會叫司機駛慢D，甚至停低介紹俾我o地聽。

好似呢個係回收舊車胎，然後重新製造一D有用o既新成品，好似枱枱椅椅之類~都幾有藝術氣質喎~

呢度就造椰子酒，佢o地用容器裝住椰子樹o既汁液，每兩日就cut一cut樹枝，又再收集汁液，我都買o左一樽番o黎呀，不過就未試味~

仲有用人手打造刀o既工場，睇到燒到紅紅o既鐵，一錘一錘咁打把刀，令人諗起將太入面o既義成…(唔知我講乜？睇下將太的壽司漫畫啦﹗)

又有婆婆收集呢D樹葉，然後用枝條穿成一串，咁就整好傳統o既菲律賓屋頂啦~人人都自食其力﹗很好~

下一站我o地登上floating restaurant，遊覽loboc river~

河上面有一架架呢D好似屋仔o既船，遊客就係上面食自助餐，遊覽loboc river喇﹗我o地同同團o既兩位o黎自馬尼拉o既小姐同枱~

好爽呀﹗遊loboc river感覺有少少似迪士尼o既叢林歷險之旅呢，兩周係茂密o既樹林﹗感覺非常舒適，都唔知睇景好定係食o野好添~好忙碌呀﹗

船會停係一D「小碼頭」旁邊，跟住有D人就開始表演唱歌跳舞了，佢o地好似一般o既村民咁，但又唱得跳得好有風味喎~仲有D遊客落埋去同佢o地一齊跳一齊影相添~

上岸後，我o地去睇眼鏡猴啦﹗Bohol另一重點推介﹗

真係好細小…佢o地係世界上最細最細o既靈掌類動物o黎o架~而且個性好鬼惡死，鍾意自己一個，又自私~不過好cute﹗

我覺得佢o地瞇起眼時個樣好似薛凱琪…呵呵~

只有我肯影D咁o既相…唔知邊個話：「不過好襯喎~」真係oh no no~

man-made forest，道路兩旁o既高高樹林，令我諗起去加州探康皓珊時o個D公路，好舒服呀~

待續﹗大家要繼續留意Bohol o既part 2同part 3呀~