八個師奶十個墟

阿女上星期派咗今年第一次嘅成績表喇，哎 ~~~~ ！

今次考試成績麻麻(攪到我成個星期心情都麻麻 )，

接到成績表個日，阿女自己都唔係幾開心(仲喊咗 tim)，

其實 ... 考得唔好我已經預咗(不過都要炳佢幾句 )！

因為考數、常兩科個日，阿女係帶病(&超唔夠瞓)上陣，

但冇辨法 ~~ 唔考都考咗喇！為有寄望佢下次考好D啦！！

今朝一早送完阿女返學，我又照舊去食早餐，

一去到覺得好奇怪！點解仲有咁多空位 ga ....

雖然間快餐店都幾大(可以坐佰幾人)，

但 ~~~ 個段時間(八點幾)仲有好多返工、返學嘅人要食早餐，

唔理咁多，揾個靚位慢慢享受我 ga 豐富早餐至得，

食咗唔夠兩"淡"....開始聽到好多把聲講嘢，

可以用吱吱喳喳嚟形容 (或者叫噪音都得 )，

睇真D .... 原來我隔籬幾行坐咗八個師奶。

呢八個師奶D聲真係好厲害呀(前、後、左、右，兩排冇人坐)！

厲害在 ... 我同佢地隔咗三、四條街都聽到佢地講乜鬼(直情有十個墟咁嘈)！！

師奶甲話：「哎 ~~ 我真係想將我個仔人道毀滅呀」！(吓！咁激)

師奶乙話：「吓！乜事咁激動呀！！」

師奶甲話：「個衰仔派咗成績返嚟！中文86分、英文88分、數學81分、常識8x分，睇晒都冇科「9」字頭，妳話係咪要人道毀滅吖！！」。

師奶丙就話：「我個仔都唔好得過妳個仔幾多！我個衰仔有「9」字頭 ~~~ ，但揾個100分嚟睇都冇呢！！」。

師奶乙又再開聲：「我個女有兩個100分"咁"又點喎！個衰豬考八級綱琴都要考兩次至 pass，都唔知點樣報到好學校呀 ~~~ 」。

師奶丁又點點點 .......

師奶茂又點點點 .......               

聽完以上對話我已經 "O" 晒咀 ~~~ (妳地係人唔係人呀?!咁樣講嘢)，原來班「哥師奶」一早喺度鬧 "晒" 自已D仔女成績！真係想講句 頂 ..... 妳地唔順啦 ！最後我用「光速」食完份早餐，"哪哪淋"離開呢個是非地(唔怪得冇人坐埋去，走遲D都驚失聰呀！)！