網誌分類：吃.喝.玩.樂 |
圖片
網誌日期：2009-11-24 23:33
你地都見之前 post 咗我地食 buffet 時影 d 古靈精怪相啦, 但係我地點只咁小兒科呀! 好戲仲陸續有嚟呀!
食完 buffet 已經差不多 8:30, 由於我地仲未玩夠未影夠, 所以我地就喺酒店四圍行影吓相!
點解我地以下呢幅相會揸住 d 禮物??? 莫非我地玩交換禮物??? 錯啦! 其實係我地見到有個小朋友喺聖誕樹之下影相, 仲隨心拎起樹底 d 禮物喺度玩, 所以我地咪就地取材跟住玩囉!
我地之後行去酒店後面, 呢個地方我地上次無去過架!
原來呢度有個泳池
離遠見到入面有 "Holllywood Hotel" 嘅裝飾
不過入面真係好黑架!
呢張係我地係失控完一輪之後話要影番 d 正經嘅相! ..... 咪睇呢張相個個都好正經呀! 其實我地係大家迫嚟迫去嘅情況下影架 
呢張真係正經影架啦!
但係正經唔到 1 分鐘, 我地又扮嘢啦! 呢個係 "神探伽利略"
之後我地再行入 d, 去到一個有呢 d 古董車嘅地方! 呢度真係好黑架, 只係有一個不停轉燈號嘅紅綠燈 ..... 其實個 feel 都幾陰深架 
好辛苦先爬到上去坐, 因為架車真係好跣架!
喺呢度我地又一次玩到癲哂, 紅綠燈嘅燈光底下影出嚟d 相真係幾恐怖, 所以 d friend 都無 post 喺 Facebook
後來我地再沿頭先條路番去 .......
嚟番呢個 pool 出面, 呢個地方光 d, 於是我地就 set 腳架又瘋狂影一餐, 先嚟 d 正經少少嘅先!
之後就係一連串扮鬼扮馬嘅相!
突然有人提議要每人都影一張俾人 "糟質" 嘅相
先有 Mrs. Lai
跟住係阿貓
到我啦, 到我啦 ......
之後係光仔
仲有阿輝
嘩 ........ 終於等到威廉啦, 哈哈哈 .......... 我地全部人都好期待呢一刻
大家一 d 都無放過可以 "糟質" 佢嘅機會呀
呢個位我地足足 stay 咗成半個鐘 ........ 一路影影影, 一路哈哈哈 .........
一班 friend 真係玩到喪哂
點解列車上面有蟋蟀仔, 但係就無小木偶?
我地一班人真係玩得好開心呀!
