游泳初哥

今日，下午五時半，約了"碌Ling姐"去游水，佢話要做下運動喎，我就沒所謂，因為我係肥底．點做運動也沒用．

去到泳池，"碌ling姐"有佢自己游，我有我自己响池邊學游，學了咁多年，我都仲未識，好失敗呀．好多人望住我，唔知係咪佢哋覺得我咁大年紀仲在池邊學游水，佢哋覺得我好搞笑呢？

游了一個鐘，跟住就走了，游咗一陣之嘛，就好累，想散咁．．．．

不過，好好玩呀．．．．

星期一晚開始，又可以見到萬綺雯了，因為翻做"我和疆屍有個約會３之永恆的國度"，我真的真的好鍾意萬綺雯的，我由小學五年級鍾意到現在嫁啦．其實，"我和疆屍"系列我都好想買晒返屋企，不過真的很貴．現在的我，只有"我和疆屍"系列的第一輯全套．我已經看了很多次，連對白我也懂得背出來，但依然覺得好好睇．我又買晒他們的Sound Track，其中一首仲有萬綺雯的獨白添．Yeah，明晚開始，我一定集集追，朋友們，記得不要在晚上十一時五十分後找我，因為，我好忙的．．．．．．　哈哈．．．．．