城門水塘大戰"馬騮"BBQ

　　今日原先計劃與老友們到長洲一日遊，但係由於小狗叔叔上午需要工作，所以今日改為BBQ。 . . . 因為去得大尾篤太多，所以今次選擇第二個地方，經爸B & 小狗叔叔相討，考慮不同既因素後，決定去城門郊野公園。 . . .

　　朝早起身先返聖堂參與彌撒，之後就出發到沙田匯合光仔叔叔，而寇太婆婆、Annie姐姐 & Vicky姐姐就先到燒考場。 . . . 到達後，發現燒烤場馬騮多過人，已經覺得有少少唔對路，不過既然o黎到無理由走。. . . 但係當準備放D食物出o黎時，馬騮們已經眼金金咁望實. . . 所以都唔敢放出o黎。 . . . 當爸B到私家車拎麵包後，一個不留神，比一隻馬騮從後搶左袋麵包，簡直好似D賊響街搶人手袋一樣 . . . 估唔當年爸B跟爺爺去"馬騮山"（金山）BBQ比馬騮搶左奶咀之後，今日再一次衰響馬騮手上﹗ . . .

　　不過馬騮們真係好古惑，因為當Annie姐姐只係放左一樽蜜糖響枱面，. . . 佢地竟然可以靜靜雞咁行埋黎伸手偷左就走。 . . .  . . . 結果，我地所有野都要放響燒烤爐邊，重要係響爸B雙腿之間。. . . 當小狗叔叔 & Peter仔姐姐、鋼牙豬姨姨 & 男友 到o黎後，我地人比較多，所以馬騮們都唔多敢走埋黎，. . . 反而另外一個家庭因為人少，不斷比馬騮滋擾。 . . .

（1）

（1）馬騮多到無乜人燒野食 . . .

（2）

（2）好小可燒野食大家會咁親蜜圍到咁密﹗haa. . .

（3）

（3）大家睇下D物資. . . 全部要放埋一堆. . .

（4）

（4）. . . 光仔叔叔用咁既樣去嚇馬騮？. . .

（5）

（5）玥B拉住架車仔週圍行，. . . 好彩果段時間D馬騮去晒"午睡" . . .

（6）

（6）一個非常靚既火 + 優美既環境，但係一切都無遐去享受. . .

　　最後燒到天都黑晒就散Band，. . . 日後BBQ都係唔可以再考慮城門呢到，特別係小朋友響到就更加唔適合。. . .  . . . 呢D地方都係留返爸B行山先到哪﹗. . .

影片分享：

城門BBQ實錄 part 1

城門BBQ實錄 part 2

今日小公主特寫：

（7）

（7）. . . 嘩﹗. . . 駛唔駛擘到個口咁大啊？. . .

每日聖言：

我們在東方見到了他的星，特來朝拜他。（瑪2:2）