8日蜜月之旅Day6~藍色清真寺+重遊新區

今朝天陰陰, 仲要涼涼地tim。

• 景點區d旅遊巴都比早兩日少, 但嚟Blue Mosque(藍色清真寺)0既旅遊仍然唔少。

      位置正正喺Ayasofya 對面, 兩座建築物成一直線。

      開放時間 : 8:30am-10:00pm

      入場費 : free (象徵式奉獻)

• 離開Blue Mosque, 突然落咗一大雨, 我地响Sultanahmet 站搭去Beyazit 站,打算重遊Grand Bazaar (大市集),順便避雨, 當然仲可以睇下有無買漏手信tim。話晒短期內唔會再嚟伊斯坦堡, 今次算喺蜜月之旅最後一次踏足呢度ga la。出奇地, 我地行咗買另一邊之前無行過0既area, 仲要俾我地搵到一件得意飾物, 用44.xxTL買到。(~講價過程都幾難忘ga, 一陣再細說……~)

去完大市集, 又返咗酒店, 見今朝天氣涼, Wilson 打算帶件厚jacket出去。

點知???? 瞓左一陣咋ma, 一出酒店, 大家互望咗一眼, haaaa, 竟然天朗氣清, 出太陽囉。激死!!!

• 基本上要伊斯坦堡要去0既景點大部份都去晒, 於是有時間重遊新區一次, 又喺果句, 喺今次trip last time ga la。諗番早兩日嚟新區的確喺倉促果d, 無點留意有d車可以搭。結果今次, 我地好順利咁响Karakoy站過一條馬路就發現一個唔起眼0既舊車站。
• 舊地鐵 (Tunel), 成程唔駛2minutes, 路軌就向山上行, 所以感覺似香港纜車
• 車費 : 1TL@

• 真喺話咁快就到路面, 今次我地一嘗古典路面電車, 1TL@, 感覺似香港電車咁, 車內間格簡單, 座位唔多。        

呢個小販d 粟子la, 真喺俾佢d香味呃咗。4TL/100gram,但Wilson就俾2TL, 佢就肯收喎, 可能喺言語溝通唔到咋。一食落口,乾到咬唔到囉, 佢地整得太耐, 粒粟子面大部份都喺黑......特色小食,點都要試。 

另一特色小食 ~ Midye Dolmasi (貽貝鑲飯), 好有口感, 一啖食咗口, 你會好滿足,

因為類似青口0既貝類海產,裡要鑲咗d一口飯, 又香口, 又抵食, 唔駛0.5TL@, 我地一口氣食咗4粒, 完全唔駛食dinner tim。

 呢度喺Istiklal Cad其中一間出名書店, 叫『Robinson Crusoe 389』, 呢間喺少數賣外文書0既專賣店, 我地發現一個特別0既玻璃擺設, 打算送俾細妹。

行到攰, 我地發現咗有一個露天Coffeeshop, 坐响呢度,你可以望到新區+舊區交錯0既view。d風吹埋嚟, 嘩, 舒服到死。呢d view响外國先會見到, 無咩高樓大厦, 眼前所有建築物好似積木咁, 好整齊咁並排, 居高臨下, 爽死。       

點都要嘆杯土耳其咖啡先似睇過土耳其, 5TL, 但飲完之後, Wilson話成杯只有1/3可以飲, 其他都喺咖啡濟, 但味道就好濃, 唔喺好多人頂得住咁濃0既咖啡味。試過就算。

盤川唔喺好多, 我地只喺去番酒店附近間餐廳叫咗兩碗湯, 我果碗就喺Domates Corbasi (蕃茄濃湯), 好好飲ga, 我已經飲咗2nd times呀, 3TL@, 又唔算太貴, 我仲响supermarket買咗幾包返HK試整tim。

Around 9:00pm,返酒店, 執行李lu。

行程 :

Blue Mosque --> Grand Bazaar --> 返酒店 --> Istiklal Cad --> 返酒店

Blue Mosque

Remark :

- 休閒 : 今日行程簡短, 仲要遇到响伊斯坦堡第一場大雨。

- 講價過程都幾有趣 : 我地睇中果件銅器,老店長開價75TL, Wilson 還價20TL。佢當然唔理我地la,我地走咗無耐, 又心思思折返。佢再開價60TL, Wilson話身上得返40TL, 佢又再次唔理我地; 我地今次真喺走, 行左幾步後, 佢話50TL, Wilson 『晒冷』身上所有elli, 仲要加埋我雞碎咁多coins, total around 44TL, 最後成交~~~所以咪影番張相留念囉。老店長成日話『60TL only for ur young couple』