Hate you so much!!

夠la,我真係頂你唔順啊,我前世係唔係得罪左你,今世要同你有親,你核突嘔心既行為真係好令人反胃,我真係好唔滿意你o個d核突到死既動作,你打黑痴唔掩嘴都算la,仲要次次都要用手指摔走d鼻涕,整落張梳化度,我真係從來都無見過你用紙巾ga喎,食完飯自己一個打橫訓晒張梳化,我唔坐你阿媽都要坐ga!你阿媽日日食完飯都要訓係張梳化度嘆,你唔講衛生,生得樣衰都算la, 唔善待家人又無禮貌,上至對父母唔孝順,每個月家用唔係比得多,又唔係個o個月比,鍾意就比,唔鍾意就唔比,上次我係梳化睇緊電視時有d眼訓,諗住讓位比我阿爸坐,點知佢一聲唔該都無就坐左落去,喟!你識唔識咩野叫尊卑啊,下至唔錫弟妹,經常喊打喊殺,又試過話用d湯淋我,記得上次同佢同枱食飯,當我正在整走碟上既菜上既配料,佢明知我要食果條菜,無啦啦就伸對筷子呢,一野就連我想食果條菜都夾埋去,我真係好憎好憎你啊!!!!點解人哋d阿哥可以做好榜樣,你就做反面教材啊,我以前小學試過攞全班最尾,已經好唔開心,佢仲要教唆格離鄰居個細路叫我包尾姐姐,喟!你自己好好啊,人讀書你讀書,讀d咩返呢啊,你阿爸阿媽咁辛苦找錢供你讀書,你就連會考都遲到,仲攞隻蛋返來孝順佢哋!!係,我係成績差,但我有試過溫書,我每次一做功課同溫書,你都要話我"邊有咁乖","溫來都無用",我次次攞一份唔合格既Ouiz paper返來比阿媽簽名,你都扇風點火,加鹽加唶,細個果陣已經白痴到拉我隻腳扯我落床(果時我0歲,佢10歲),我都唔知你係唔係o係青山opening day逃走出呢........

                                                                                                                                 待續