網誌分類：經濟金融 |
牛一 : 唔信牛市重臨, 怕再跌, 唔敢入市。
牛二 : 終於相信牛市重臨, 但市勢反覆, 成日希望等低位入市, 但心目中個低位一直無出現, 都係無入市。
牛三頭 : 見身邊個個都話賺咗幾多幾多, 不甘心, 高位追貨都照入。
牛三尾 : 由於市場氣氛熾熱, 個倉賺多過蝕, 信心大增, 瞓身, 一入個市就開始回 。
熊一 : 自己呃自己, 回吐啫, 唔走不特止, 借錢 (孖展) 加碼。
熊二 : 個倉跌咗咁多, 而家先走咪好蝕, 一廂情願個市會升返 d, 可以蝕少 d , 無放貨。
熊三頭 : 有兩種反應, 1) 跌咗7 至 9 成, 放都無用喇, 完全無眼睇, 同自己講, 投資係睇長線嘅; 2) 發晦氣, 扔晒 d 貨出街, 點知買完又升番, 一邊揼一邊以為牛市重臨, 再入, 慘變重皮蟹 。
熊三尾 : 個市進入底位, 準備反彈, 但因成手蟹貨無錢入, 到牛一時, 見 d 蟹貨升返 d, 驚好價不再, 放晒 d 蟹貨, 之後個市不斷裂口高開, 眼光光 ...........
Manca 姐勸大家, 趁而家仲係牛一, 好入市喇!
amy 2009-10-17 01:36
Manca 姐2009-10-21 11:44
如果短炒, 先要擔心接貴貨啫, 個市由咁高碌落嚟, 好多實力股個價都比人"質" 到好低殘。 好股太多喇! 如果無咩經驗, 入指數股再長揸到起碼前高, 再睇下市況再決定。