檸檬茶

大家都講同事, 我就唔講, 哈哈~我講下呢一個好hit既topic先, 就係檸檬茶!!

1.     其實細個我去茶餐廳我唔多飲凍檸茶架, 一來我細個唔輪到我冇得飲(有都飲係係家姐), 二來我會飲凍奶茶. 不過依家去茶餐廳既話, 我會飲凍檸茶多~間唔時先飲凍奶茶.

2.     紙包檸檬茶呢, 細個就飲”維媽檸檬茶”既, 原因係屋企買, 唔係我選擇. 到左呢幾年, 我就飲”陽鋼檸檬茶”多, 因為我覺得”維媽檸檬茶”好大陣味啦, 又苦, 而且飲完之後我覺得會口臭, 哈哈!!

3.     我試過有一次篤篤下凍檸茶既時候, 因為冇捉實隻杯而搞到倒瀉左, 仲要整污糟左件衫啦~

4.     我覺得維媽檸檬茶個新廣告 (即係咩我型, 我xx, 之後有幾個人好似catwalkk咁行出黎) 都唔知想點, 完成唔明佢想表達咩野….仲有仲有, 個個新膠樽又係唔知做咩, 好樣衰咁

5.     我唔信考試局冇鬼囉, 又會tip得咁準既~一個檸檬茶, 一個凍檸茶冇可能!!

6.     我覺得, 凍檸茶抵飲過凍檸水, 因為始終凍檸茶都有茶呀, 凍檸水得糖水!!

7.     我飲凍檸茶好少叫少糖少冰, 因為我覺得好似原汁原味o的, 哈哈

8.     我都好少飲熱檸茶架, 因為我一來覺得熱飲唔抵, 二來熱檸茶有時好苦 (因為檸檬浸o係茶入面耐會有產生化學作用, 所以人地會篤完之後整返片檸檬出黎)

係咁多先~

妹&娜: 大家都好勤力呢, 加油!!