西班牙奔牛節 (二)

奔牛節其實由早到晚都有好多節目，Party更係由早開到晚，廿四小時條街都係人，唔係飲酒就跳舞。其他活動包括巨人公仔巡遊、古老運動會、音樂會、煙花、跳水池表演等，當中我最鍾意就係巨人公仔出巡打細路環節。

 
作為香港人，人人都有張坐0係匯豐銀行獅子上面0既相，如果唔係就俾人笑「無童年」，對西班牙人0黎講，呢張同巨人公仔合照0既相就有同等重要0既地位，西班牙人個個都有一張。

 
話說每朝9:30大頭公仔就會出遊街，幾呎高0既公仔就會好nice nice咁跳舞，至於人扮0既大頭公仔就會帶住個軟鎚，追住0的細路狂打，聽講話細路被打過先係好意頭，唔怪之得0的家長帶晒0的小朋友0黎任打唔嬲啦，仲反追住大頭人添。以為大頭人只打細路我咪埋去影相囉，點知連大人都打埋，仲鎚鎚有力，好痛0架。最後一日我仲同好多小朋友一齊歡送呢班巨人公仔，等佢地下年再同大家玩過。