準備返學啦！

黃仔差不多兩歲啦，亦即係係時候同佢搵幼稚園啦。呢幾日上網睇下有咩幼稚園好，先發現搵邊間幼稚園都夠自已想餐懵。

選擇條件有：

1) 要近，一係最少就近要有校車到。唔係日後返學就煩死！

2) 學校質素同教學理念是否切合黃仔性格。

3) 日後上小學會同黃仔選讀邊種，傳統小學或其他？

4) 錢。大貴ga自問非我所屬。

5) 最後係全日定半日？

最煩係選錯了會直接影響黃仔日後ga成長路，自已走過唔想黃仔好似自已咁要走一大個圈，可以的話留多一D時間俾佢搵自已ga興趣好過到中學先o黎想學途、方向。

要同黃仔搵幼稚園之餘又想o下自已要搵咩工(終於可以搵返工)，搵自已做開果行當然問題不大，但到時會嚮公司多過嚮屋企，無黃仔(同老公)當然無問題，但現在...已有D不同。找其他工種，人工又無咁好wor，現在開始要供樓有多一D Momey又可以快D攪定層樓wor...唔知點好

話時話咁長時間無返工，唔知自已適唔適應公司人事，係我(有D)擔心ga問題......。不過唔想可能會好D，到時到候做就係啦！

------------------------------------------------------------------------------

BB: 早前媽媽話我D頭髮仍然係咁...似個大叔！

於是同我剪個新髮型囉~~~

媽媽：BB呢邊...(嚓) 唔~~你個新髮型好有型wor，好men！

BB:係 真？？ 好！

媽媽：係係，整多張tim啦。沙濃呢~~~

BB：唔錯唔錯...he