蜜月之旅DAY 9B@東京

其實唔去東京都好呀，因為北海道由一個地方去另一地方需時會耐D，我地只係得四日時間嚮北海道，其實好多地方都未去，只係簡咗幾個最想去既地方去咗先，唔夠時間全部去哂。仲有唔去東京可以省回中途飛去東京果半日時間，所以整體黎講，只去北海道都係一個好好既選擇。至於滑雪我地本來都plan咗，不過後來覺得時間緊迫，所以cancel咗，我本來plan去Kokusai札幌國際滑雪場，係嚮札幌站前的巴士總站乘第一觀光巴士，車程約1.5小時，呢度咩滑雪裝備都有得租，不過其實仲有其他地方都有好多滑雪場，要睇番你果日行程同住邊先簡返去邊度滑雪會好D。Kokusai札幌國際滑雪場

唔使客氣，因為自己試過跟團，身受其害，今次係我地第一次自由行，初時都好多朋友擔心我地叫我地跟團算啦（咁係因為果Ｄ朋友都未試過自由行姐），其實做起黎真係好易。訂套票方面邊間旅行社係次要，最主要係揀航空公司，即係揀日航定係全日空。特別因為如果同時去北海道加東京，就要留意要揀可以中途逗留既套票，而香港大部份旅行社賣既自由行套票其實都係代辦呢兩間航空公司既，所以搵邊間旅行社分別唔大，除非係細節例如接唔接受信用卡俾錢，包唔包旅遊保之類。我地果陣係搵星晨訂日航套票，事先揀定幾間心水既酒店，拿埋本天書去搵旅行社AGENT幫我地CHECK有冇房。你去搵旅行社前可以先上日航天地同藍天假期網頁睇下，佢地好似有時會有Ｄ特色套票，會著數Ｄ添。你大致揀定左，先再去搵有代辦既旅行社問啦。

多謝你到訪呀。首先，我地係今年2月初去，咁就上年12月搵旅行社訂機票酒店既套票，好似都幾閔，所以如果你諗住1月頭去，最遲呢個月內要搞掂呢part喇。食野買野個個都唔同，所以唔知點講個價錢俾你知。車費total用咗約$1700；旭山動物園套票+Disney+Puroland門票就$1300；機票酒店套票就約$20,000（包括約$5000 Upgrade左一晚住宏樂園），以上全部都以港紙計。當然係因為我地係雪祭期間去，所以北海道果邊既酒店價錢比平時貴左起碼一倍，如果1月去應該會平Ｄ，但當然如果撞岩新年長假可能又係差不多。我同Darling好鐘意食日本野，所以都花左幾多錢響食野方面嫁。我諗$35,000夠唔夠，真係好視乎你幾時去同埋買幾多野既。

希望呢Ｄ資料幫到你啦，有問題不妨搵我。祝你有個美滿愉快既Honeymoon。