到現時爲止, 未經詳細身體檢查, 我還是在懷疑自己有長短腳之狀.
無錯, 亞健康終于降臨我身上. 千其唔好覺得驚訝, 哩D都係一直以來唔注意日常工作姿勢以及習慣所造成. 我知錯啦~~~
先來講下本人懷疑症狀噶情況:
點解自己突然肯定了呢? 原因係自從我買了對N仔後, 開心到日日着, 認爲可以健步如飛彈彈下甘行路(雖然唔係AIR), 不過, 都算輕鬆走我路啊哇! 誰知, 彈了一個星期, 問題出現了, 我發覺左腳一落地腳眼位就會踫到對鞋鞋邊, 簡稱鞋邊位直ung腳眼骨, 每每那個踩位時, 痛到啊! 然而右腳就完全無甘噶情況出現, 一樣點踩都甘自如. 我開始認爲行緊條路凹凸不平造成, 但事實唔係咯, 一條平坦大道唔通我對眼有問題咩, 無可能噶嘛! 好啦, 這個症狀已經折磨左我幾日, 我開頭係懷疑自己兩只腳行路姿勢同落地力度唔同造成噶嗻, 因爲係下雨天, 我左腳對鞋通常都濕過右腳的. 問題係, 現在情況越來越嚴重, 以前都無出現過甘噶情況. 然而我更加不會質疑係N仔甘專業噶跑鞋會有咩問題. 唔安樂, 於是我開始懷疑自己係米生來有長短腳而阿媽無話我知.
google is my friend, 我於網上找到了一堆關於長短腳症狀解説, 以致我有少少肯定到個情況, 在此引用一段:
功能性長短腳亦可以分類為因腰部，臀部或下肢的毛病所引起。例如背部肌肉機能不正常，引致左右兩邊背肌、腰肌的拉力
不平衡，令到一邊盤骨及下肢被扯高；急性腰痛會引致肌肉痛楚及收緊，令到盤骨傾側；由於工作時的姿勢、意外創傷、遊戲時的習慣不良，導致腰背脊骨、盤骨，
薦髂骨關節等出現錯位；腰、背、腿部肌肉狀態不良，尤其是髖關節的伸展肌肉群變得軟弱，腰大肌過於緊張，大腿後肌收縮等等現象；甚至不對稱的扁平足角度都均何以令功能性的長短腳出現。
死咯!!! 我仲唔食到正!? 爸爸就當然訓斥我一大堆, 話自己平時做咩不注意D, 媽媽就叫我不要小題大做. 我覺得都幾唔講得笑噶哦, 自己知自己事啦, 虛不受補, 血氣運行差, 甘係骨骼方面就肯定差人一節噶喇, 加上平時工作緊張肌肉勞損都造成好大問題啦, 點注意得甘全面呢, 唔使做咩~~有頭髮邊個想做辣哩= =...我個相點睇都無少奶奶命.
我會注意下噶喇, 你地個個都唔好誘惑我食哩樣食果樣啦, &我要早睡早起噶. 健康最重要啊!
猿猿 2008-08-28 03:33
切甘D左脚咯......睇下我几有你心，转登申请个ID捧你场......
joy2008-08-31 15:21
你又開多個blog啦, 哈哈
philip choi 2008-08-12 23:12
妳一定要去睇啊！！！知唔知啊！
病從淺中醫啊，妳唔去睇，生緊咗，妳仲難搞啊
joy2008-08-12 23:16