寶寶出世前的最後一餐生日飯

生日嘞！　又大一歲嘞！　

今年由於腹大便便，都無乜特別搞作!　燥老公就更加唔駛旨意會有乜野浪漫行為或者生日驚喜諸如此類．．．

結果當然食飯食啲乜，去邊度食，都係我決定啦！　

本來我想食日本爐端燒，但係燥老公又話熱氣唔好喎！可能佢驚唔飽！　

最後我揀左呢間 a la umai，啲人ｃｏｍｍｅｎｔ唔錯，又話有個無敵大海景，好似好好ｆｅｅｌ咁，就去試試啦！　但係因為我太遲ｂｏｏｋ嘞，結果海景就無嘞，比左間ｖｉｐ　ｒｏｏｍ我地，靚靚地都幾舒服呀！其實佢可以算係一間食日本同法國ｆｕｓｉｏｎ菜０既餐廳，本來我想散叫，但係最後都係敵唔過ｓｅｔ　ｄｉｎｎｅｒ有好多野食，結果叫左兩個ｓｅｔ，果度出名食和牛，都幾好味，但係我覺得都幾貴！

食野前，佢會比你楝ｂｒｅａｄ，我相信係ｈｏｍｅｍａｄｅ，仲有醋同埋ｏｌｉｖｅ　ｏｉｌ，不過我都係鐘意食牛油多點！

到頭盤嘞．．．係”意大利巴馬火腿伴蜜瓜"，啲火腿好咸，但係蜜瓜好甜呀！兩樣一齊食，好味！

另一個頭盤係”招待汁燴釀鴨胸肉”，坦白講，我覺得啲味道有啲怪，可能我唔鐘意釀係裏面果啲香草！但係燥老公覺得好好食！

到上沙律嘞．．燥老公要左兩隻生蠔，一隻係澳洲，另一隻大啲０既係南菲，佢奉勸各位，如果要食，記住要南菲，因為又大隻啲，又好味好多喎！澳洲太淡口嘞！

我就要左”什錦刺身沙律”．．啲魚生真係好新鮮呀！ｈｍ．．其實我食左少少咋！大肚唔好食生野嘛，我知架！唔好諗住challenge我呀！仲有佢果個芝麻沙律ｓａｕｃｅ配沙律一流呀！

根住就到飲湯嘞！我果個係”神戶和牛尾濃湯”，真係好濃，如果唔鐘意食濃味，可能覺得似汁！燥老公話直情可以叫個飯黎撈飯食！　　

佢就要左個”黑松露菌湯”，右手面黑mei mung 果啲咪係黑松露囉，但係我食完又覺得無乜味喎！

到主菜嘞，我梗係食我最喜愛０既和牛啦，但係都有少少”筋”！同埋可能拎黎之後，我地又影相，搞完一輪先食，凍左啲，唔係最好味囉！但係想同大家推介配菜０既北寄貝沙律，好得架！

佢就食ｂｂ羊架，我覺得好”穌”，同埋又係覺得有陣怪味！成餐飯最唔好味係呢個菜！　但係老公話都可以接受，不過比起牛就差啲囉！

最後就緊係有咖啡同埋甜品啦！個軟心朱古力蛋糕上面啲字係老公叫人加０既，佢話又可以慳埋買ｃａｋｅ，唔駛兩個人食一個蛋糕！不過我都無得許願，唔算數呀！但係講開又講，呢個ｃａｋｅ都真係幾好味架，可能我鐘意食佢裏面啲軟心朱古力！

就係咁，我地就完成左一餐咁豐富０既生日飯嘞！正！好味！下年ｂｂ出左世，可能我地就無得咁有閒情出黎食生日飯嘞！