情人節2009@ala umai

尋日去完迪迪尼之後
終於係我地2人世界既時間喇
我地去咗呢度食晚飯
冇攪錯.....真係呢度呀
因為呢座商業大廈既頂樓係一間蚊形餐廳--ala umai



alaumai係一間好細既餐廳
裡面座到20個人到o架咋
不過洪大少話d人黎呢度食過野既都話正喎
所以先揀呢度食我地既情人節餐



本身好想影多d相俾大家睇o架
因為餐廳係落地玻璃窗既設計
望出去都睇到少少海景既
好可惜間餐廳真係太黑喇
我部DC仔唔多攪得掂囉
就連影返黎既野食相都要自己再較返光d先睇到呀............

話晒都係情人節
好明顯又係食set冇得揀o個隻啦
當然個湯同main course係有得2揀1啦
但係就冇得食平日menu上面既野囉
定係佢地平時都係得set呢?!?
呢個我就唔知喇~~



appetizer係法國睡蟹海鮮拼盤
大o個2隻係法國蠔
細o個2隻係日本珍珠蠔(唔知你地見唔見到呢?)
仲有一堆mussels
半隻法國睡蟹同2隻唔知黎自邊度既蝦



之後有波士頓龍蝦沙律
佢地一早已經好細心拆晒d龍蝦肉出黎
擺埋o係個沙律上面o架喇
你地而家見到既龍蝦
基本上係冇肉o架喇
得返隻蝦拑o架咋~~




湯......係有得揀既
分別有黑松露菌露荀湯
同埋紅椒蕃茄湯
aiya......係有個好好食既餐包添o架
原來唔記得影呀~~



之後就到main course喇
有澳洲純種神戶和牛
同埋日本鯛魚魚柳配薄荷汁甜芥辣
不過由於洪生話呢度d和牛好正
所以我地2個都係揀咗牛
真係好好食,肉既中間真係有入口即溶既感覺o架
連拌碟既沙律都係北寄只貝沙律黎o架




dessert係tiramisu
都整得唔錯o架
另外仲有餐飲
我地要咗蘋果汁同日本白桃汁

呢餐飯食咗2個鐘有多
不過又真係好好食同食到好飽囉
洪生呀,我唔介意再去呢度食過o架
(如果你唔嬚貴既話........)