A lovely Dauschand looking for home!

琴日中午本來好地地同媽咪０係樓下飲緊茶，點知收到狗街坊電話，繁忙的一天又黎．．

街坊話０係屋苑附近的單車徑見到隻狗仔，"au"到成身損晒流晒血，咪出去睇啦．一睇，耳仔"au"到真係好多血，手仔又lam到流晒血．街坊話點算好．一係見唔到，見到就緊係要帶佢去睇獸醫，同埋check下有冇晶片啦．．

獸醫三點先開，個時１點都未夠，咪輪流番屋企拿d野落黎比佢，（我地唔知佢身上的皮膚問題係咩事，唔知會唔會傳染，未睇獸醫前都唔敢帶佢番屋企，驚野到屋企的狗狗）．０係平時放狗的地方同佢玩，佢好跟人，比飯佢食，佢食晒，你坐係地下，佢又會爬上你大比，好sweet!拿條狗帶出黎，佢好開心，明顯地佢之前係有人養架！

睇完獸醫，話佢唔係介廯蟲，所以唔會傳染，好大機會係皮膚敏感，因為dauschand好多時皮膚都有事．同埋都唔知佢係岩岩走出黎定係流浪左好耐．（但我初初見佢，抱起佢時，估佢應該係岩岩出黎，因為個身係乾的，個weekends係咁落雨，冇理由佢咁乾淨卦）．．但如果係岩岩比人放出黎，真係唔明d人點解養狗會養到咁．全身皮膚冇忽完整架，全部都爛晒．

但佢真係好sweet, 對大眼睛真係電死人！生番d朱古力色毛毛一定係超靚仔．

宜家狗仔０係我地的狗街坊屋企暫住，佢有一隻唐狗，同dauschand相處融洽，但屋企日頭冇人，所以我地其他狗友會輪流幫手睇下，但都唔好意思搞住人咁耐．唔該大家幫幫手，問下有冇朋友想要dauschand. 等我比多d資料你地：

• Dauschand
• 獸醫估計２－３歲
• ９．５kg
• 朱古力色
• 只係皮膚問題，身體其他功能正常
• 同狗／貓相處冇問題．（今日daycare的街坊屋企有三隻貓）
• 鐘意玩，又跟人
• 識去厠所
• 咩command都唔識