要用說話技巧吊住人條癮，方法有一千個，呢度介紹其中三種：
「一體兩面法」、「層層揭示法」、「時間伸延法」
如何用呢三種答法，去回應對方同一條提問呢？
如果對方問：「你認為做sales，要具備咩條件？」
「一體兩面法」，係指兩個完全不同嘅角度，去講同一件事。於是你可以答：
「呢條問題，一般人會答好多信心呀、勤力呀、服務精神呀之類嘅答案，如果要講，可以講幾堂都得，但呢d都只係從一個sales角度出發。」
「以我同不同老細合作過嘅經驗得出，其實最緊要做到八個字(稍稍停頓)：有數、無鑊。」
去到呢度，你已經成功將自己同一d剩係識答什麼信心呀、勤力呀、服務精神呀之類嘅平庸之輩分開。並且睇嘢比人宏觀，唔係剩係睇自己嗰份，仲暗示自己識幫老細分憂。當然，對方唔會咁快罷休，一定會問你點做到呢點，跟住你就可以出「層層揭示法」
「(表層)我長期觀察sales，好多人有成績，但突破唔到樽頸。又或者成績偶然好好，但唔能夠長期keep到，因為好多只係不求甚解咁sell sell sell。對住師奶又係咁sell、對住後生仔又係咁sell、對住專業人士又係同一套，點得呢......
「(裡層)我曾經請教過一d長期top sale嘅前輩，發現佢哋唔係當一份工咁去做，係當一盤生意咁做。而家唔係我為某間公司打工，係公司打本俾我做生意。就變咗唔係多做多錯，得過且過。自自然然著緊程度都唔同，自自然然不斷鑽研點去做多d生意......
「(核心)其實唔單只技巧上要進求變化，自己心態上都要享受工作，例如你睇星光大道同超級巨聲，好多參賽者技巧十足，但感動唔到你。點解呢？佢自己都唔投入唔enjoy嘛。尤其銷售行業，係一個非理性，強調感染力嘅行業，自己都唔投入唔enjoy，點感染人呢......
至此，in你嗰個已經如痴如醉，對你呢個與別不同嘅人才流晒口水。懶人阿sam寫到呢度又見攰，要瞓覺。若然唔夠用，下次講埋「時間伸延法」。
Me llamo Axxxx! 2010-02-08 01:45
wen wen 2010-02-04 15:25
GarY 2009-11-04 09:14
Ｙ！ＢＬＯＧ人員處事不知所謂！系統無故發生故障而未有通告，繼而又修改什麼ＳＰＡＷＮ內容，與民為敵！垃圾廣告垃圾廢人留言不斷發表廣告而Ｙ！ＢＬＯＧ無以視之！
..................................................................................................GarY 2009-11-03 00:30
好文不寂寞，推一把!
..................................................................................................東尼仔 2009-10-30 01:09
小叮噹 2009-10-29 06:27
加油啦！要繼續發表好文章喔！