愛戀菲律賓長灘島 (8-12/9/2006) 自由行

Boracay is Wonderful~

返黎啦~  heeeee... 黎個旅行簡直有十個"正..."，在長灘島不論食‧住‧玩‧人‧天氣... 都係好正架!!

第一日：11:00am 從香港出發乘坐5J 111去馬尼拉，到達MNL都差不多1:00pm左右，搭5分鐘車程到達國內機場轉乘Seair直飛往Caticlan，但當我地check in 時才知道當日只有一班Seair 2:00pm已出發，原本當日Seair 3:00pm在兩星期前已取消，但book package 至當日從未有人通知已經取消該航班，在憤怒既情況下，只好等待Seair officer同HK Tony 既回覆，一個一個不好表情已代表是一個bad news，在MNL已逗留兩多個小時，只好食一客chocolate ice-cream 令心情平靜一下，但最終我地都要逗留一晚MNL，在冇辦法既情況下，感覺只是一個無奈。我地只好慢慢進入MNL 既夜城，處處都是快餐食市，幸好我地選了一間飯店，在陣雨下食左一餐好美味既BBQ Chicken，明日一早7:00am就出發住Boracay...

第二日：7:00pm 乘Seair 直飛往Caticlan，在國內機場我地品嚐左一個非常好味既chocolate donut，就此我地既旅程才是真正開始... 那全黑小型客機，單只外型已令我分分暈倒，實在太型啦 ，大約8:00am 到達Caticlan 機場，搭2分鐘車程便抵達Caticlan 小艇碼頭，再搭螃蟹船約15-20分鐘到Boracay 西南面之細白沙灘(沿岸有3個小艇碼頭分別為Station 1 / Station 2 / Station 3)，依照你要入住既渡假酒店，便選擇於最近之碼頭上岸。早前只晒黑了小小，但途中也有不少當地人估我是菲律賓人   arrr... 真的不相信，幸好也是MAGADA（靚女）heee... ，原途更有不少人吹口哨潻，hee...MAGADA 呀ma，也有不小人估我地是韓國人，但韓國人係好高大個喎... 每次落水都發現同一樣野，就係原來所有韓國人游水同潛水都會帶帽架... (唔唔唔明)... ，而我地既酒店位於Station 1 及Station 2 之間既PATIO PACIFIC RESORT，房間都唔錯架，又白淨又整齊，又有開放式廁所，酒店內也有飯堂‧泳池‧健身室...，拾房哥哥仔仲好似Aaron潻（不過是哨牙Aaron），hee...  ... 當地人個個都好nice 架，治安都好好，我地日日都係食‧訓‧玩‧吹水... 在長灘島上唯一要傷腦筋既事，就是如何讓自己玩得盡興‧玩得瘋，唔好以為好簡單，當你面對著碧海藍天以及手中一長串既活動介紹表時，你就能體會此言的確不假。而游泳是最唔費時的，只要決定一下穿三點式比基尼 or 乾脆直接上空就好 ，藍天白雲既Boracay Island，在椰樹下有沙灘按摩‧有小販賣水果（即開即食... 甜）‧有很多街頭擺賣小飾物 （貝殼）‧有店內幫人手繒及紋身‧有大大小小既飯店及酒吧... 享受第一日既長灘島陽光，坐沙灘椅上品嚐一柸當地著名Mango Shack ，感覺一流... ...  

第三日：已book 了出海環島遊，在出海前我地去左飾物店及做手繒，那時我地便應識了（泰仔）Alex 及 （唅情蜜蜜）細哨 "個樣好似細哨架"，午餐後便開始我地出海環島遊，船上我地也認識了船家 （木刻人）Daddy ‧（唔講野）Cousins，以及帶我地遊小島既小小導遊（白牙）Romhel，我地首船是只靠風力推動（藍白色帆船）Wind Surfing，Daddy 係做船人，帆船圖案係Cousins 畫架（好靚），隨風漂蕩只坐在船身兩旁，短短15分鐘已令全身都濕透了，非常刺激啊... 我地踏入長灘島後則既Puka Beach，雖然只係一個小小既沙灘，但海水同樣清澈，在水中掏手潛水，隨手便拿到小貝殼珊瑚，在沙灘上我地幫襯（噹噹）小販，品嚐甜美ice-cream，也是同時間比賽，隨後我地也繼續隨風漂蕩環島遊，在海中我地隨處可見許多人玩banana boat‧sailing 風帆‧para-sailing 水上拖傘‧surfing 滑浪... 雖然只係坐在船上，但已令腹部結實，攰死人喇... ... 入夜後，我地仲見識了菲律賓既Disco（當地no.1）不過千其唔好比太大祈望，果晚Alex‧ 細哨同佢個朋友仔都有黎，不過短短２小柸酒Judy 就醉了，而細哨也透露佢既年齡時，Judy 忽然中指一出（Fuck You）... 大家只好眼定定冇表情（發呆）... 不過又真係好好笑 haaa... （係菲律賓飲酒係好平架，一柸只不過係港幣十多元，仲大大柸潻，不過酒精成份唔多）... 幸好返酒店後先落雨，忽然... 飲醉左既傻婆Judy 話間房有青蛙，青蛙想入房... 估唔倒真係有隻青蛙係房門口...  

第四日：我地一早就去左潛水(Discover Scuba Course)，隨時可學既潛水學校，吸引許多想要一探海底奇觀既人報名繳費，今次我地潛水既位置在長灘島既後面(Laguna de Boracay) Sibuyan Sea， 我地係用最正規潛水落水方式（型晒），真係同Discovery Channel 一樣，有大大小小既珊瑚，有七彩繽紛既小魚仔，有不同顏色既海星... 只是一個早上潛水課程體驗，已經可以令整日全身發軟... 午飯時，Joanne 連串燒都冇力可要了... 其後我地也不忘繼續玩樂，今次玩Jet Ski 水上電單車，一望無際既大海卉馳... 也實在太攰了，只玩兩三個圈... 直到晚上出海時，也沒精打采，只好放鬆地坐上每日倍伴我地出海既藍白色帆船，慢慢享受一下長灘島黃昏時既海風及海浪... 但也不忘 shopping...  今晚是在長灘島既最後一個晚上，我地也豪氣地食左餐海鮮，這個晚上也是全日最放鬆既時候，玩左幾日也是要讓自己好好享受一下massage，全身塗滿天然椰子油，一一將筋骨穴道打通，真是人生一大樂事啊！　

第五日：是最後一日在長灘島，真的捨不得，只有一個早上既時間，從島上所認識既人都有影下大家個樣子，真難忘這幾日一起生活既趣事，不論手繒紋身及手藝飾物高手 泰仔Alex 及 唅情蜜蜜細哨，教潛水既 型仔Peter 及 風趣Harry ，生意高手 生意人Uncle，每日倍我地一齊出海既船家 木刻人Daddy 及 唔講野Cousins ，當然仲有 怕羞仔Romhel ，Romhel 係一個好nice 既人（Dark Skin max White Tooth）heee... ，Judy 教佢講左幾句港東話十分好笑，Lee Hoo Ma... Lee No Moo? ( 你露毛 )... 笑到肚痛... 哈，但回程時不段聽到 Don't sleep Sabrina...，最後走哩日Romhel 倍我地去搭船，仲送我地去機場潻... 今次旅行，好成功地晒了一面古銅色既膚色潻！！heee...

P.S.  (I'll be back... Boracay)... 一定會再去第二次，再好好享受一個藍天白雲‧醉人椰林‧海水清澈見底‧海沙幼滑晶瑩...

世界十大名灘White Beach