***My 29th***

終於都29歲喇, 感覺上仲好似係19歲咁 (哈哈)

人生行0左3分之1, 感覺上好似乜都無做過咁, 應該話乜都係0岩0岩開始咁, 無論事業, 學業, 愛情各方面都係

事業: 返緊既呢份工其實唔算差, 不過發生0左D事令我唔係太開心, 而且個人發展空間感覺上去到盡頭喇, 睇情況出年年頭應該會轉工, 希望會有個好D既發展啦

學業: 差唔多30歲先開始我既Degree 生涯, 不過遲都好過無到既, 學校同科目都揀好晒, 黎緊12月就會轉過去Poly U Speed 讀Business Logistics, 為期兩年, 我要俾心機加油喇

愛情: 總括係 – 我醜, 但我很溫柔 (笑)~ 自知外貌唔得, 內涵又唔夠人豐厚, 好在自問心地算好, 可以彌補到掛!? 內涵好積極咁充實緊, 希望可以搵到個欣賞我內在既人, 了解我同接受我既缺點, 亦會接受我對佢既批評 (善意架~ 我點都會想佢好), 可以互相扶持… 無錯呀, 我係搵緊老婆呀, 哈哈

過生日, 當然希望會有個生日蛋糕啦~ 意外地今年未有正式既大蛋糕(party 果個要同人share架, 仲要無份吹蠟燭亦無許願…vv), 細既就有一個, 係呢度先要多謝呢位朋友請既呢件蛋糕仔先~ 終於可以許願喇~

至於今年有乜生日願望!? 呢幾年既願望實在太偉大, 就係希望我身邊既人都可以過得開開心心, 希望我可以帶俾大家快樂; 但係今年容許我自私少少, 唔許呢個喇~! 今年有兩個願望, 一個係許俾自己既, 一個係送俾一個人既, 至於係乜我就唔講啦, 講出黎唔靈驗架嘛~

蛋糕之神呀~ 生日之神呀~ 如果你地真係存在既, 麻煩你地實現我呢兩個願望啦!