13/8, 當我放工係紅磡搭火車時~離遠見到果架"藝術"火車埋站~心中開心到不得了~ 心諗...終於親身搭到呢架咁特別既火車啦!!
入到去~見到d 畫好靚~花花chair~樹木chair~竹林chair~~~so good! 而且係紅磡站~仲有位坐^^
可惜坐左一個站後...到旺角站, 就有一大堆人上火車, 企係我前面果位師奶......無啦啦叫我比個位佢坐wo! (講真, 比著係老人家, 我會唔理三七廿一就企起身比老人家坐既...至於師奶呢...) 周圍咁多人坐住~佢都唔叫, 係要叫我一個比位佢坐! 最白痴既係...我當時真係戇居居咁企起身比個位佢坐=.=" 唉...咁難得上到一架咁特別既火車~仲有靚靚位坐...點知坐得一個站...就比個師奶叫左起身比個位佢坐...真係無奈呀!
最近自己又忙, 又要返工, 又身體弱, 又病鬼左~~~連續發燒發左3日! 星期一晚開始少少發燒, 星期二就先肚痛到郁唔到, 繼而發燒~打算話唔返工啦, 點知個負責人話 "其實段片都幾趕架, 聽日要交..." 咁講法, 即係局住要我病住咁返工啦!~唉~真係慘呀! 燒左2日, 病成咁都仲要返工! 結果我反正都返到poly, 就順便睇埋e 生啦! 個e生講到好可怕, 話再係咁燒, 就叫我睇急症!! 結果我果晚訓覺前~都feel 到又開始燒架啦, 不過阿爸又沖左d 涼茶我飲...無謂中西藥亂食啦~咪照去訓lo! 點知又"賴"野! 星期三凌晨成身熱到我醒左, 量一下體溫~嘩!! 燒到39.6'C !!! 發高燒! 馬上食左藥又休息過啦~但訓到7點幾又要起身返工, 食完早餐後~仲係好唔舒服, 仲想嘔......真係又想請假, 諗住去到診所後就打電話打下午既假啦~可惜冇時間...一去到, 已經有人等緊我幫佢body health checking....就係咁...一個完左又一個...冇得休息, 冇時間請假, 就返到5pm 先放工...一返到home, 個頭就痛足成晚...病左3日, 都冇好好休息過~已經miss左幾堂swimming lesson, 仲推左朋友約既星期四打羽毛球+唱k...最好笑係剪片果度仲想搵我星期四返工......我病到乜都推晒!! 最終有返一個星期四既休息日...我係咁訓...係咁休息...訓到...約7pm才wake=.=" 不過, 明天...都係避不過剪片呢份工......
我真係好想休息~好想休息~好想休息!!
P1030238.JPG
P1030218.JPG
P1030233.JPG
西西 2007-08-17 20:29
保重身體,因為傷害容易治療好難.我正是一個好差的例子.我隻腳睇了兩個月跌打都未好晒.就係因為我以為自己頂得順.唔理後果練完先算玩完先算.所以手尾好長..錢都洗了幾千..無錯唔千幾.係幾千.心痛d錢賺完就咁洗晒.但冇計鬼叫唔care my health.有時要量力而為.唔係人地叫你一定要訓身去.
我以前因為d同事話我在AMC last day又剛好 除夕要倒數.我放8:00pm等佢地10收工.又等到12:00 .當然我拿住所有野在街上陪佢地周圍走.冇人知我拿住八磅十磅野.在銅鑼灣陪佢地班人行足兩個鐘倒數,每個心情好好.但我係唯一等到想喊.冇晒反應.冇人明白我感覺.個個一對對.我好多野要搬回家who care me? 我係唔知為乜等.我唔覺得一班人漫無目的咁等所謂既倒數好有feel.我只係覺得好無奈.我好冇自我,冇性格.人家叫乜就去做.又聽晒人話..人地話唔齊人會唔開心.所以我選擇先去滿足別人而不是滿足自己.
但我明白人總要經過一段成長期.搵到自己方向.now我會去滿足自己先.可能人家一兩句話冇你一齊玩或一齊做會唔開心..但這未必是事實.有我冇我都可以玩得盡慶.有我冇我世界都會同昨日一樣運行.
妹妹laam嵐 2007-08-17 06:02
唔..amy! 你平日都冇俾機會自己休息... 你的身體響起警號la... 我之前都係唔理身體...一咪做做做...終於足足病左4日(起唔倒身,堆左超多野未做)...自此之後,我就先抖後做... 抖足精神去做比起冇精神地去做 快百倍..
不過我都知你有d野係好難推左佢唔做.... 點都好la..我祝你早日康復...龍精虎猛la!!!