天文觀星營=難民營

         原定29/6晚入camp睇星星+露營, 30/6 玩下水上活動 & 玩營內設施 ,一個完美既計劃,  一心抱住好大既期望, 原來希望愈大, 真係失望愈大...入營前一日, 不幸收到一個壞消息, 搞到我冇得玩任何水上活動, 灰左一半! ><” 不過諗住仲有自己喜歡既睇星星, 都有返半點安慰!! 

29/6, 天氣不造美,  星星既機會好微, 唉~~~真係想唔去!  不過我係報呢個camp既負責人, 唔去既話好似變左不負責任, 最終唯有照去lu... 入到camp, 某某觀星協會既人黎講解一些觀星基本資料和將會見到的星座, 仲同我地講左某些星座的神話故事!! ceci 佢地聽到訓著左, 不過自已就聽到津津有味! 真係好想知道更多星座既神話故事呀!! 講完後就剛好停雨, 正呀~but 雲就超級多…星星就超級少, 只見5-6粒星星ja!  之後用電腦睇模擬星空, 都好靚!! 睇星呢part, 可說是成個camp之中我最enjoy的一part吧!!   又係天氣問題, 最終係一個滿佈蟻, 蜘蛛網, 蚊, 不明飛行昆蟲既室內”露營”!! 嗚, 一黎訓唔慣, 二黎其他人好嘈, 三黎超級簡陋(枕頭要用背嚢, 沒有被子), 最終冇覺好訓…初初我仲無聊到係度數下d 人行過我地個帳篷幾多次…20秒有人行過, 5秒後又有人行過, 21秒後再有人行…最終係1分鐘行過6次, 四分半鐘後, 有個人仲狂行黎行去! 吼~一分半足行過8次! 變態架! 唔洗訓咩!!  到左3: 30a m, 終於靜晒, 一心諗住有覺好訓啦~點知4: 10a m 落超級大雨 & 行雷!! 我望下ceci 同阿肥~wo~佢地已經訓到好”淋”!   結果, 我成晚同冇訓過差唔多。 (難民生活part1)

30/6, 早餐都冇, 只係靠消化餅+面包頂住ja! (難民生活part2) 等到9點, ceci同my 親戚渴望既活動終於有得玩啦! 唉．．．自己早知道冇得玩, 所以豪比佢, 明知要wear 包腳趾包踭既鞋, 我照著”人字拖”涼鞋~仲wear 長牛仔褲!! 仲拎埋d note去溫! 呵~死未!? 原來所謂既水上活動得單車&獨木舟, 佢地3個就去玩玩玩, 而我就~~~唉~~~坐係樹蔭涼亭下餵蚊, 比可惡既蜜蜂”褸”, 捱住頭痛咁溫書, 幫人睇住d 野 & 聽住班師奶傾計, 間中插下咀~~~就係咁~我既早上就咁過左啦! >__<” (難民生活part 3) 其實ceci都返過黎岸邊想比對鞋我著等我玩下既, 不過當ceci叫我時~我走出去聽啦~竟然比果個衰格”看管人”好冇禮貌咁喝住我, 問我做咩wo! 我真係好”興”呀! 把鬼火咁!  真係乜都唔想玩呀!! 啍~~好巴”蔽”咩!?~我由頭到尾根本就冇諗住玩佢地d 水上活動!!  仲有呀! 果個”看管人”一方面見我wear 涼鞋, 就話幫唔到我, 但另一方面, 有一家人都wear 左涼鞋, 應該冇得玩! 但看管人就幫佢地, 借對鞋比父母, 令成家人都有得玩!!     至於camp既其他設施都因落雨冇得玩, 真係好悶好無聊...(難民生活part 4) 

我家陣喉嚨痛, but我之前一早lunch訂左燒烤包=.=” 太灰了~決定提早離開!! 去阿肥屋企才BBQ, 不過一透好爐, 就下大雨=.=” 幸好及時將個爐搬左去有蓋地方, 結果一面下大雨, 一面BBQ, 咁大個女第一次!  but超級慘lo~比炭彈中腳趾, 搞到馬上紅晒, 起水泡! 好痛>__<” 我既難民營總算結束啦!! 俗語說 ”貼錢買難受”~~~就係我 =.=”