I LOVE HK

又有一次機會係HK寫下blog. 有冇人睇已經係其次, 最重要係我又多一日係HK, 陪下友里友里又好, 做咩都好. 唔留係DG就最好. 相信老細知到我咁講,"一定好高"慶".. 我覺得所有極高層都想我地hk人個個好似張小豬咁係DG落地生根, BUT Sorry, 內地女人唔係我杯茶囉...   思想都唔同. 不過內地人d行為同hk都冇咩分別, 有時我見到HK巴士上面有人係度剪手指甲, 我真係好想同依D人講, 請問你剪左D手指甲落地之後, D手指甲係唔係會自己消失???  你咁做同周剩ALL屎係地有咩分別, 都係要人執你手尾, 有D人明明係俾左一個人車錢, 坐一個位, 個袋就放係格離個位. 一係就坐係兩個位o既中間, 平常人見到你咁做通常都唔會同你計較, 坐第二個位就算, 我有時都會咁做放D野係格離位, 但係架車會慢慢多人o架嗎, 你又係咁樣霸兩個位. 仲要等到全車得翻你格離仲可以俾人坐o個時, 你先拎開個死人袋, 仲要睇下周圍係唔係真係冇晒位先俾人坐, 之後仲要俾d眼神啤一啤人, 好似同o個個人講"頂..早d上車呀"咁, 喂. 你俾咁多錢, 人地又俾咁多錢, 你就霸兩個位. 人地就坐都唔俾坐, 唔通你係俾兩個人錢o既咩??  我地HK人有幾清高o者. 同大陸人有咩分別呀, 仲有d人食煙, 我明白依加度度都唔俾食煙, 你地只可以係街食. 我唔係食煙o既人, 不過我唔需要你請我食. 你地一路行一路食都唔係問題, 不過可唔可以快d食晒佢. 你地行我前面, 一噴d煙出o黎無論你向邊一個方向噴都好, 我地行後面o個d人都會吸到. 我地係間接同你share一口煙, 而且我地吸o個d比你地o個d仲要毒, 點解你地唔可以企定定係度食呀? 又唔係食又要點著佢為咩o者??  好型咩??  你係型就型o架啦. 唔一定要食埋煙之型囉. 你地明唔明我地有幾辛苦呀??　

尋日係國慶, 見到我地國家d飛機大炮真係好勁, 有d州際導彈係可以射向世界任何一個地方. 真係覺得好自豪自己係中國人. 雖然依加我地國內仲有好多事未解決, 不過我覺得國家真係好勁. 同夜晚做緊o個套小鳳仙入面o個時o既中國, 真係差幾10萬里. o個時被其他國家迫害, 又要咁, 又要咁. 受盡苦頭, 依加個個國家都要俾面我地中國, 個個都要同我地合作. 經濟又好, 軍事又好. 香港真係唔好成日覺得冇國內人權呀, 冇自由呀, 好慘呀. 如果我地自己獨立左, 睇怕唔會有d咩好日子過. 民主派咩都反, 保皇就咩都保, 國內邊有d咁o既野呀, 胡主席要咁做. 成個國家就咁做. 佢講o既野又唔係衰, 又唔係要攪壞o個中國, 反咩野o者. 選你地入面立法會, 你地就嘈交, 一係就罷會, 一係全部退出, 選你地就叫我地選你地入去, 退出o黎o個時有冇問過我地可唔可以退呀??  好好玩呀.

o岩o岩去開始去考車. 第一關筆試已經Pass左. 第二關要出年先攪啦. 錢又冇. 屋企又要搬, 真係好煩... 人又窮, 興趣又多..  缸魚都唔知點算好.. 唉  
  

又唔知幾時先會再寫BLOG啦....