補貼: 大長篇之地獄訓練記趣 (Part III)

星期六其實係難得可以訓晏d既一日，
但因為要去拎飛仔，唔可以"攣"床"攣"咁耐！
可惜，去到都只係兩點五都已經要waiting，
唉！我唔想又要一早去呆等，又或者成日要"老細"放我地入去呀！
橙咭呀，又係你地呀，可唔可以唔可咁多人呀！

"不認不認還需認"話咁快就跳完，
已經轉入Mixing 裡面既第二首既Whine up了，
不過總算都完左個心願啦，廣東版既bollywood，
哈，最可笑都係"老細"d唔鹹唔淡既廣東話，
次次唱完o個幾粒"又又又"字仔已經笑到我地死，
佢自己又笑到膊頭縮縮下，唔知.........
當佢地印度人聽到我亂唱印度歌係咪都可似我地咁笑到肚痛呢？

B.WS真係跳得有d戰戰惊惊，
一開始o個十幾秒既動作對我條腰簡直係一個挑戰，
以前打排球時既舊患唔在講，日日坐office都坐到腰酸背痛啦，
久唔久條腰就可似火燒咁痛，Kanas mama係膝頭痛，我就腰痛，
落堂之後點都入桑拿房焗一焗先可以鬆返少少！
我地首摯愛Crazy Ki yare都教左可多了，但因為有太多型人動作，
真係要苦練五百次先跳得可！學Kanas mama話齋，
有時真係唔咁想望鏡裡面既自己，因為做得實在太肉酸啦！
"老細呀~老細~"我地唔同你呀，咪成日整d咁Man咁型既steps啦，
我地係女仔o黎架~~~~~~~~~~~~~

點不知...........呢頭講完話自已係女仔，
o個頭即刻想"good"聲吞返落肚了！點解？
欲知後事如何，請聽下回分解~~~~~~