前晚，舊老闆結婚-祝佢白頭到老，年生貴子
係機場富豪酒店擺酒
係一個橫風橫雨既環境之下進行
又知道將會打8號風球的情況下
而結婚儀式又delay既情況下
真係食得唔係咁盡興（尤其酒店既排場，真係慢又慢）
（十點仲係食緊第二道菜）
尤其又咁遠，好在都安排左旅遊巴搭返市區
場面都幾感動，講到佢超級尊敬＆愛既爸爸
（佢爸爸上年去世，上年結唔到婚）
MC唔係咁得，帶唔到氣氛之餘，仲成日都食螺絲釘
我被安排左同舊老闆既同學坐
真係無限尷尬，一個坐係度
係開席前，自己坐左去舊同事果張台
有D三年無見，大家個樣都無乜點變
好似唔係好耐無見咁，時間過得真係好快
