網誌分類：小憂的生活 |
上個星期真的好忙碌, 感覺自己一個星期沒有休息呢!
星期一至五, 白天返工, 晚上不是返學就是在家清潔,
沒停沒了, 沒停沒了……
以為星期六可以休息下做自己喜歡的事,
但在星期五晚, 老父已叮囑我明早要飲茶.
心仲有千萬個不愿意, 但仍沒有講出任何聲音.
星期六的早上, 無奈的去飲早茶!
而原定那個早上又約左朋友打波.
朋友又遲到, 我真是受夠了, 自己先去打啦!
因為我在半小時前已是醒佢要出門呢!
唉……激死我啦!!!!
脾氣來得快, 也去得快!
我們打完波又約了一班朋友去燒烤.
今次我們約了去馬磂山, 不是太多人在那玩,
可能因為太多猴子了……
女仔都很害怕呢! 反觀男仔就無咩野.
我們一邊燒烤一邊要防範猴子的襲擊.
燒得很沒意思, 也不痛快……
天黑我們被逼撤退啦!
之後又去左個朋友屋企到打牌呢!
這樣又一天…..
本想星期日, 可以瞓半天, 可是……
事與願違, 要在十點前到哥那邊幫手搬家呢!
又沒得好好的休息呢! >_<…….
幫哥搬家不是太辛苦, 我只負責看著那些傢俬.
但卻在他家樓下吹了一個早上的西北風呢!!!
吹到個人病病地……
下午又約了朋友去看什麼花展呢!
( 因為二個星期前朋友已約了我, 唔可以唔去架!)
花, 真的好靚呢!
看了二個半小時.
本想去一田逛逛呢!可是去一田的路實在太多人了.
有點呼吸困難,有點人群恐懼!
最終未到一田門口已打退堂鼓.
陪朋友去買花材去也……
最後自己又去買左一些家用品和零食.
回家還有一堆家務等著我做, 天呀!!!! 唉……
這樣又過了一個充實又忙碌的星期呢!
感覺如何? 一個字: 累!
要是個個星期如此, 我想我命不久已……
感覺太累了, 又瞓不著呢!
討厭<<<<<<<<<<<<<<<<<<<<<<<<<<<<<
