永別了!!我最疼愛的妹妹

我最愛的妹妹
我好仲意呢幅相
妹妹有心事

  今日我帶住沉重又傷痛嘅心情喺呢度宣佈: 我最寵愛的小狗妹妹已經離開咗我!!!!

  近排我嘅生活可以話係一團糟.私人感情問題已令我好煩惱,加上妹妹突然的離開,進一步把我推入萬丈深淵!!我的確已經撐唔住啦!!!親愛的朋友們,多謝你們一直都咁支持我!!!特別係Karen , 阿Be, Bear.....多謝你們每曰的關愛.

  你們信唔信上天一早已經安排好所有事???我答你....我好信!!!14 JUN 我放假,原定約好了去"挪亞方舟",可惜我嘅行為令我失去了每一次約會!!!之後Karen + Bear 陪咗我出去飲嘢,可能我太耐無瞓,所以途中瞓咗一陣!!!之後媽咪叫我地返屋企食飯,食飯時,妹妹仲撲上枱偷雞食添.之後我仲抱住妹妹錫.到咗凌晨 00:15 .妹妹突然有d氣喘,有少少唔尋常,但唔係好嚴重,但為安全起見!!!所以我就叫媽咪同哥哥立刻帶妹妹去太平道診所.我就喺屋企等消息.去到診所之後,醫 生話肺積水,照咗X- RAY情況唔太嚴重.留院一晚,打去水針,吸下氧氣就OK!!咁媽咪就返黎屋企了!!!
   15 JUN 早上 08:00 ,診所打比媽咪,話妹妹情況變差,個鼻流咗少少血水.叫我地快D過去.我同媽咪同工人即刻坐的士過去,我亦打咗比Babe,因為佢都好錫妹妹.我抱住傷痛 的情緒一步一步咁去接受及面對妹妹快要離開我的事實.我去到見到妹妹喺張枱上吸緊氧氣,佢用盡佢嘅力氣"fing"開個吸氣筒.望住我地,我環抱住佢成個 身體!!!嗅到一陣熟悉的小狗香味,睇見佢個心跳得好利害.我心知道別離的時間好近.醫生忍痛地同我地講.方法只有2個. 方法1~繼續盡力救,但情況已經好壞,成功機會好微,只是將時間拖長D.方法 2~打針讓妹妹安樂地離開.我根本無能力思考,更無法去回答所有題問!!!醫生見我無決定,所以見議落少少鎮靜劑.等妹妹個心唔好跳得咁快!!!我依然係環 抱住佢成個身體.眼見針藥打了一點,也不到幾秒...妹妹呼吸停了,心跳好弱,醫生及護士問我地急唔急救?!媽咪話唔想勉強妹妹,也不想佢繼續辛苦,我們 放棄急救!!(我相信是妹妹知道我們不捨得作任何決定,所以她自行決定了)早上09:35 妹妹就喺我們的懷抱中離開了!!!醫生話佢可以撐到依家真係好叻了!!!佢嘅眼睛並沒有閉上,我一直幫佢掃埋也沒辧法閉上!!!我知道佢等緊哥哥黎.我們 轉到診所的獨立房,希望陪妹妹多一陣.哥哥趕到了,抱住妹妹話別!!!然後哥哥一掃,妹妹的眼睛便閉上了!!!
 
   之後醫院的工作人員便幫妹妹拆走腳仔上的針管.慢慢地把妹妹放入一個大的黑色膠袋.妹妹在袋內安睡了!!!我們也決定了給她一個美好的葬禮!!!

        妹妹安息吧!!!!請一路走向彩虹橋上玩.姐姐永遠都咁鍚你掛住你架!!!

在天空的一方，有個地方叫做彩虹之橋。

每當一位和我們特別親近的動物離開這個世界時，牠便會去了彩虹之橋。

那兒有許多青草原及小山丘讓我們的動物朋友奔跑及遊玩。
那兒有充足的美食、水份以及陽光使我們的朋友感到溫暖及舒適。

在那兒，所有以前患病及年老的動物全都重新恢復健康和青春活力，所有以前身體受傷及殘缺的全都回復健全的身軀，牠們回復到像我們夢境中記起的模樣。

在那兒，牠們都感到滿足與快樂。可是，唯一不足的是每一位的動物朋友都想念他們遺留下在彩虹之橋另一方的心愛。

牠們在彩虹橋上的一起跳呀、玩呀，直到一天，其中一位突然停了下來，牠遙望遠方，牠那明亮的雙眼變得熱切。牠的身體開始顫抖，剎那間，牠跑離大隊，牠奔越過綠綠的草原，牠那雙腿兒使牠越跑越快。

牠在萬物之中尋找到了你，你和你的心愛終於再次相見，你們歡樂地抱緊在一起，從今以後永不分離。牠親吻你的臉，你輕撫牠的頭，當妳再一次凝望牠那雙充滿信任的眼睛時，你發覺牠是那位離開了你許久但卻又從未離開過你心靈的心愛動物。

那一刻，你和你的心愛一起步向彩虹之橋。


(待續)