打羽毛球

今日我9點起身，煮完D燒賣比謙謙食，緊住打電話比行行，睇下佢起左身未，原來佢已經食緊早餐，我就打比阿婷，點知佢仲未起身。唉..佢實遲到啦。

我地約10:05上到恒安體育館開始打羽毛球，行行係旁邊做熱身，我同謙謙盲 開始打，因為我覺得做左熱身，打完都周身痛GA啦。

約10:40，阿婷終於到啦。唉...佢打唔夠半粒鍾就好似大肚婆咁住低左啦。我同行行、謙謙玩得好落力，各人都玩得濕透。行行同我講冇帶衫黎換，我唯有返屋企Law我細佬既恤衫比佢，打到12:00我地就沖涼。

行行同謙謙沖涼個時，佢地已經比大家睇左全相啦，真係開放啦。

緊住，我地四個去左麥記開餐，叫左兩個餐加兩個飽，用麥樂會換左兩杯細汽水，我要珍寶飽餐，我覺得ma ma地咋，感覺太多肉啦。

食完，阿婷要出旺角跳舞，我地三個唯有返屋企，我幫行行洗衫兼燙衫，無幾耐謙謙就去頌安搵佢媽。我細佬放工返黎啦，唉...男人真係懶，行行、細佬都訓左攪，我咪自己坐係廳睇番琴晚D電視劇。無幾耐，媽咪放工返黎，佢又訓攪呀。唉... 我都想訓ga，行行訓左我張sofa呀。

突然，手提響起，我聽到個好攪笑既笑話︰阿婷頭先係體育館沖完涼，唔記得law番d底衫褲，留左係更衣室，我即係話我唔會幫你拎ga，咁鬼肉酸。唉...邊有人會唔記得ga。有冇攪錯呀....行行起左身我係sofa訓左半粒鐘，緊住就去老地方食飯，行行約左d朋友去旺角食韓燒。

依...今晚食飯多左一個人喎，就係螺絲啦。佢剪左個短髮...都幾好呀，熱天ma。

我地食完飯，冇去行街，搭巴士返屋企。去到屋企樓下，我同媽去行惠康。好開心，我買左我最愛既200%朱古力奶呀。正....