話說亞剪片 P 同事借o左架車去買(食送)，我就留係屋企休息下啦，下晝佢返到o黎，就叫我出去幫佢手，原來架車左前呔爆o左，仲漏哂氣！佢就叫我幫手換呔．．．咁我上次同程式編寫 J 同事學過點換呔，今次就大派用場啦。
佢泊o左架車去我屋企個車位，但係個車位係沙地，唔o岩”積”起架車，所以要佢駛出去路面換呔啦。好彩屋企出面條路都唔係大路，唔係好多車經過啫。
搞o左一大輪，差不多一個鐘啦，雙手都污糟哂，終於都搞得掂。聽日 P 同事就會趁得閒去車呔舖。見到條呔穿o左個半厘米o既窿，睇佢應該係撞到尖石頭啦，應該無得補，要買過條新車呔o架啦。我仲叫佢行番屋企o個陣，行番架車經過o既路，睇o下有ｄ o野可以搞到架車咁啦，聽日同老細講番都有理據嘛，係就係 P 同事會負責番啫，但係始終係老細架車，都要報告番o既。
聽日老細要我七點鐘返到去喎．．．搞掂個廣告俾個客．．．唉
．．．好啦．．．早ｄ抖啦要。
