舊同事ning ning結婚+翹翹23個月大

今日係我舊同事ning ning結婚, 今次好開心老公都可以一齊去教堂觀禮, 但係我地遲左出門口, 唯有由九龍灣打的去沙田........好彩趕得到!!

入到去阿仔都無咩扭計架, 點知到人地柿靜要宣誓時, 阿仔就不停咁講"搭巴士, 搭巴士, 搭巴士"..........搞到個個都望住佢...........老公唯有帶佢出去.........

睇下佢地幾溫馨.........

之後就請左班小朋友獻詩, 呢班亦都係我o既舊學生黎, 見到佢地咁叻, 我果日都好感動呀!!! 有幾個小朋友仲同我講好掛住我, 叫我快d返去教佢地.........搞到我幾想喊呀........

禮成~新人步出禮堂啦........

一班舊同事同舊學生一齊影相~~

夜晚去左mega box 飲........好近我地, hehe.......呢個係我一個舊同事o既女, 恩恩, 佢真係好可愛架!!

翹翹成晚都好興奮, 不停又拍手又要同人飲杯, 好似係佢仲開心過對新人喎!!!

我地食到10點左右就返屋企啦...........因為第二日仲要返工呀嘛!!!

最後都祝ning ning同阿fung新婚快樂!!