緊張....

亦都有人問-----你老公緊唔緊張呀?

雖然離預產期只有12日,但心情都總算平靜....可能緊張真的要在作動或在產房的時候才出現!

最近有種感覺,總是以為自己要生啦...但原來都是一種假象....不過這種假象就差點嚇破老公的膽咯.....起初以為老公很冷靜,不會緊張(因為平時見佢都仲好專心打機)

最近腳腫得比較嚴重,老公每晚幫我用bb油按摩...每天接我收工都會陪我行樓梯...星期日更主動叫我去公園散步...(原來老公開始擔心同緊張)

昨天,老公接我收工,半路上突然講-----我好似有d緊張添!

我望望佢個樣,有點搞笑...有點怪怪地....呵...我都未緊張,唔使甘快甘緊張喎!...^^

於是我就將昨天和monica食飯時講起佢朋友的經歷話俾老公知-----佢朋友行行下街,見紅,好冷靜甘話返屋企沖埋個涼,休息下才慢慢去醫院等生仔!...^^...所以唔使緊張!

雖然唔知甘講,老公會唔會好d...但都盡量試下....回想起,monica話佢老公會陪產,但我想想衣家老公都甘緊張,如果叫佢陪,會唔會嚇到佢暈呢?...哈...肥仔應該唔會既!

今日本來想過唔返工咯,打算放產假...老公都提左我幾次,如果感覺不舒服就不要返了...但訓醒,洗完面,感覺又無咩唔舒服...雖然外面落住微微細雨,但想想在家都只係訓和食...算了,都係換衫返工....一邊返工的路上,一邊想著:會不會在路上要作動呢?如果是的話,我要冷靜點,座車去醫院....哈....無聊地想著這些問題,直到回到公司....^^

就快生啦...緊唔緊張呀?-----可能真係到作動那一刻才會緊張起來!

老公主要係擔心不知什麼時候會作動,怕沒有人在我身邊時作動,所以早已緊張起來!

另外緊張起來的人是-----爸爸媽媽,佢地衣家每日都差不多會有一個電話,睇睇我咩情況!仲有哥哥,專登打左幾次電話給我!(我覺得好幸福,多謝你地,我永遠都甘愛你地)