菁姐

以 前 胡 孟 青 會 為 了 上 鏡 而 努 力 減 磅 ， 今 日 的 她 節 目 照 做 ， 但 身 形 卻 大 了 兩 個 碼 。

一 場 金 融 海 嘯 ， 打 得 全 球 經 濟 人 仰 馬 翻 ， 無 數 股 民 損 手 爛 腳 ， 但 股 評 人 胡 孟 青 未 有 好 言 安 慰 ， 繼 續 對 股 民 嘲 諷 作 風 ， 偏 偏 又 有 一 班 想 聽 真 心 說 話 的 觀 眾 捧 場 。
由 證 券 行 分 析 員 轉 職 做 獨 立 股 評 人 ， 鏡 頭 前 的 胡 孟 青 除 了 身 形 暴 脹 外 ， 基 本 上 和 以 往 一 樣 ， 仍 然 是 那 個 會 把 散 戶 罵 得 狗 血 淋 頭 ， 把 行 家 嘲 諷 得 無 地 自 容 的 小 辣 椒 。 但 實 際 上 ， 她 少 了 一 半 薪 水 ， 多 了 一 個 兒 子 ， 每 晚 收 工 便 趕 回 家 湊 仔 。 一 代 金 融 之 花 ， 今 天 洗 盡 鉛 華 ， 甘 願 當 一 個 做 足 廿 四 小 時 的 肥 師 奶 。

她 總 帶 一 個 大 背 包 和 環 保 袋 ， 盛 載 手 提 電 腦 及 報 紙 ， 方 便 隨 處 睇 資 料 咪 書 。

6:30am
我 不 美 但 我 做 功 課

每 逢 開 市 日 ， 胡 孟 青 便 一 早 起 床 ： 「 六 點 幾 就 要 起 身 ， 睇 番 前 晚 美 股 消 息 同 新 聞 ， 然 後 落 街 買 報 紙 。 」 她 認 為 開 咪 講 股 ， 不 能 憑 空 亂 吹 ， 必 須 有 真 材 實 料 ， 所 以 每 天 必 定 睇 多 份 報 紙 ， 再 上 網 做 足 資 料 搜 集 才 開 始 工 作 ， 「 一 日 唔 做 功 課 就 拍 檔 知 ， 一 星 期 唔 做 功 課 就 行 家 知 ， 一 個 月 唔 做 功 課 就 全 世 界 都 知 ！ 而 家 有 人 覺 得 做 節 目 ， 個 樣 靚 重 要 嘛 ， 哼 ， 如 果 真 係 咁 ， 我 呢 無 得 做 啦 ！ 」
今 天 ， 她 自 嘲 不 美 ， 但 原 來 出 道 之 初 ， 她 曾 被 喻 為 第 一 代 金 融 之 花 。 不 過 ， 近 兩 年 生 了 小 孩 後 ， 沒 有 修 身 ， 身 形 暴 脹 ， 她 笑 言 ： 「 我 第 一 次 上 電 視 做 節 目 前 ， 曾 經 專 登 搵 健 身 教 練 幫 我 減 肥 ， 減 十 幾 磅 ， 但 生 仔 之 後 ， 連 健 身 都 無 去 。 」 不 過 電 視 台 並 未 有 因 她 肥 了 ， 便 不 找 她 做 節 目 ， 有 線 甚 至 幫 她 在 Facebook 搞 了 個 青 姐 Fan Club ， 會 員 有 近 九 百 人 。
她 認 為 有 麝 自 然 香 ， 不 用 自 己 四 圍 哀 求 爭 取 ， 因 此 對 一 些 為 求 上 鏡 ， 信 口 開 河 的 股 評 人 ， 非 常 不 以 為 然 ： 「 有 人 周 圍 搵 傳 媒 高 層 ， 話 自 己 期 貨 、 股 票 、 窩 輪 、 外 匯 咩 都 識 ， 只 要 有 得 講 就 得 ， 我 覺 得 唔 使 咁 ！ 」 她 認 為 懂 什 麼 便 講 什 麼 ， 不 要 沒 有 立 場 ： 「 人 打 問 三 元 八 角 買 隻 股 票 ， 你 叫 人 三 元 六 角 止 蝕 ， 四 蚊 止 賺 ， 等 於 冇 講 。 」
除 了 工 作 認 真 ， 講 真 話 是 她 另 一 賣 點 ， 「 以 前 有 觀 眾 打 電 話 問 我 買 高 寶 綠 色 好 唔 好 ， 我 心 諗 呢 隻 股 票 大 股 東 ， 接 連 批 股 ， 但 批 股 價 一 次 比 一 次 低 ， 好 奇 怪 ， 你 見 思 捷 批 股 係 咪 咁 ？ 咪 叫 個 觀 眾 唔 好 買 。 結 果 第 二 日 ， 我 俾 五 份 報 紙 圍 插 ， 原 來 人 搭 緊 棚 谷 股 價 ， 點 知 俾 我 拆 。 」

胡 孟 青 小 資 料 （ 42 歲 ）

92 年 ： 英 國 列 斯 特 大 學 經 濟 學 士
99 年 ： 香 港 城 市 大 學 財 務 碩 士
93-00 年 ： 任 職 中 銀 集 團 ， 位 至 保 險 及 投 資 部 主 管
00-04 年 ： 高 信 集 團 副 總 經 理 、 高 信 證 券 交 易 董 事
04-05 年 ： 豐 金 融 服 務 副 總 裁
05 年 至 今 ： 獨 立 股 評 人

只 要 一 有 空 閒 ， 她 便 會 找 地 方 坐 下 ， 打 開 手 提 電 腦 寫 稿 。

初 出 道 之 時 ， 胡 孟 青 身 形 苗 條 ， 眼 大 有 神 ， 是 第 一 代 金 融 之 花 。

10:00am
獨 立 自 由 人

十 時 正 ， 她 會 在 新 城 財 經 台 主 持 開 市 直 擊 ， 由 於 現 時 沒 有 公 司 包 袱 ， 胡 孟 青 變 得 更 中 肯 ， 說 話 更 為 大 膽 。 不 少 電 台 及 電 視 台 因 其 獨 立 身 份 而 找 她 講 股 ， 所 以 儘 管 是 自 由 身 ， 每 天 仍 要 工 作 八 、 九 小 時 。
她 預 科 畢 業 後 ， 十 九 歲 便 在 廣 東 省 銀 行 做 文 員 ， 兩 年 後 才 到 英 國 念 經 濟 ， 返 港 後 在 中 銀 保 險 及 高 信 證 券 工 作 ， 其 間 經 常 要 返 內 地 看 上 市 公 司 廠 房 。 ○ 四 年 ， 當 時 三 十 八 歲 的 她 懷 孕 了 ， 卻 不 幸 流 產 ， 「 六 個 星 期 都 仲 有 心 跳 ， 但 八 個 星 期 就 無 ， 我 會 諗 係 咪 佗 住 個 肚 都 周 圍 走 去 做 ， 搞 到 個 胎 無 。 」 一 直 笑 口 常 開 、 聲 大 大 的 她 ， 突 然 眼 神 暗 了 ， 聲 線 也 沉 了 。
她 後 來 轉 職 豐 ， 儘 管 不 用 再 奔 波 勞 碌 ， 但 要 數 及 服 侍 客 人 ， 覺 得 壓 力 不 輕 ， 「 當 時 我 有 組 員 好 積 極 ， 想 搵 多 錢 ， 又 話 要 搞 韓 股 又 話 要 搞 夜 晚 期 貨 ， 錢 係 重 要 ， 但 我 覺 得 生 活 好 唔 平 衡 。 」 加 上 她 當 時 再 度 懷 孕 ， 為 免 重 蹈 覆 轍 ， 索 性 辭 職 養 胎 。
離 開 豐 後 ， 胡 孟 青 轉 為 獨 立 股 評 人 ， 每 天 的 工 作 時 間 和 打 份 正 職 差 不 多 ， 但 她 卻 認 為 輕 鬆 了 不 少 ， 「 唔 使 quota ， 有 咩 辛 苦 呀 ！ 每 日 仲 可 以 準 時 收 工 返 屋 企 湊 仔 。 」 不 過 ， 代 價 是 比 以 往 少 了 一 半 薪 水 ， 「 金 錢 誠 可 貴 ， 但 自 由 價 更 高 呀 ！ 」

12:00nn
一 餐 飯 見 盡 行 家 醜 態

在 電 台 收 工 後 ， 便 是 午 餐 及 寫 稿 時 間 ， 她 一 星 期 要 為 報 紙 及 雜 誌 寫 五 、 六 篇 稿 。 為 了 可 隨 時 隨 地 寫 稿 ， 胡 孟 青 總 會 帶 手 提 電 腦 ； 沒 有 約 人 的 話 ， 她 會 外 賣 午 餐 回 家 邊 寫 稿 邊 吃 飯 。 但 作 為 股 評 人 ， 少 不 免 要 參 加 財 經 飯 局 或 晚 宴 ， 不 少 更 令 她 印 象 難 忘 ： 「 建 滔 化 工 周 年 晚 宴 ， 人 主 席 台 上 面 講 緊 ， 某 四 個 股 評 人 居 然 台 下 鋤 D ， 但 兩 邊 分 別 係 公 司 高 層 同 合 作 夥 伴 喎 ！ 」
她 越 講 越 勞 氣 ： 「 成 人 居 然 會 dead air ， 有 就 兩 三 個 細 聲 講 大 聲 笑 ， 有 就 淨 係 識 食 ， 平 時 鏡 頭 面 前 就 也 文 也 武 ， 但 個 個 見 到 上 市 公 司 高 層 都 啞 ！ 成 日 都 得 我 同 另 外 一 、 兩 個 會 問 問 題 咋 ！ 」
除 了 飯 局 外 ， 她 有 時 亦 要 回 內 地 看 上 市 公 司 廠 房 ， 與 行 家 朝 夕 相 對 ， 「 飯 後 節 目 通 常 都 會 去 夜 場 ， 幾 乎 個 個 都 攬 女 。 」 由 於 部 分 廠 房 在 較 為 雜 亂 的 地 區 ， 胡 孟 青 不 敢 離 開 大 隊 自 行 返 酒 店 ， 所 以 一 介 女 流 亦 要 落 場 搵 小 姐 ， 「 大 陸 好 衰 ， 你 唔 叫 ， 佢 就 一 排 一 排 咁 走 出 ， 直 到 你 叫 為 止 。 」 女 人 叫 小 姐 幹 嗎 ？ 「 傾 偈 ！ 訪 問 小 姐 生 平 ！ 」
她 天 性 火 爆 ， 即 使 是 行 家 ， 只 要 看 不 過 眼 亦 照 樣 批 評 ， 但 卻 不 是 人 人 欣 賞 她 的 快 人 快 語 。
四 個 月 前 ， 股 評 人 鄧 聲 興 被 本 刊 揭 發 搞 婚 外 情 ， 記 者 問 她 知 道 嗎 ， 她 記 者 到 國 金 走 一 圈 便 知 情 ， 結 果 被 行 內 某 長 輩 責 怪 多 事 ， 此 後 她 學 精 了 ， 即 使 再 批 評 行 家 ， 也 不 會 指 名 道 姓 。

替 有 線 做 的 清 談 節 目 ， 各 主 持 時 常 唇 槍 舌 劍 ， 事 前 會 聚 在 一 起 作 好 準 備 。

儘 管 胡 孟 青 口 舌 不 饒 人 ， 但 直 腸 直 肚 的 性 格 卻 為 她 吸 引 不 少 支 持 者 。 （ 林 志 謙 攝 ）

4:00pm
鬧 你 是 為 你 好

儘 管 被 行 家 批 評 ， 但 觀 眾 對 胡 孟 青 有 話 直 說 的 態 度 卻 非 常 受 落 ， 所 以 打 電 話 上 她 節 目 問 意 見 的 人 有 多 無 少 。
下 午 四 時 ， 胡 孟 青 到 有 線 位 於 港 交 所 的 直 播 室 主 持 節 目 ， 並 設 有 電 話 發 問 環 節 ， 但 不 少 查 詢 卻 令 她 大 動 肝 火 ， 「 個 市 係 咁 插 水 ， 都 唔 識 死 ， 仲 有 好 多 散 戶 打 話 想 搏 反 彈 ， 有 直 頭 打 電 話 問 應 該 買 邊 隻 ？ 幾 多 錢 買 ？ 咩 位 放 ？ 咩 位 止 蝕 ？ 」 胡 孟 青 於 是 答 佢 ： 「 咁 使 唔 使 我 話 埋 俾 你 聽 幾 點 食 飯 ？ 點 ？ 點 吞 呀 ？ 」 事 實 上 ， 胡 孟 青 今 年 甚 少 入 貨 ， 九 成 資 產 都 是 現 金 。
她 說 話 又 倔 又 硬 ， 從 來 不 怕 得 失 觀 眾 ， 「 一 樣 米 養 百 樣 人 ， 我 唔 理 得 咁 多 人 點 諗 ， 講 心 句 ！ 」
由 於 節 目 受 歡 迎 ， 所 以 有 些 上 市 公 司 會 派 人 不 斷 致 電 來 問 股 價 ， 目 的 是 增 加 曝 光 率 ， 她 不 怕 自 己 評 語 不 當 ， 最 怕 「 有 阿 伯 阿 婆 ， 以 為 電 視 有 講 隻 號 碼 就 係 好 。 」
為 杜 絕 幫 人 造 勢 ， 「 所 有 打 電 話 都 不 會 直 接 聽 ， 一 定 係 打 返 轉 頭 。 」
不 過 ， 就 算 是 小 辣 椒 ， 也 有 些 公 司 是 避 之 則 吉 ， 「 某 集 團 避 得 就 避 啦 ， 有 股 票 ， 明 知 自 己 一 提 就 把 幾 火 ， 咪 唔 講 ， 我 無 幾 對 手 幾 對 腳 。 」 若 有 人 問 到 的 話 ： 「 我 唔 批 評 佢 ， 亦 都 唔 評 論 佢 。 我 成 日 都 話 ， 我 仔 細 老 公 唔 嫩 呀 ！ 」

她 曾 經 流 產 ， 因 此 對 現 年 兩 歲 的 兒 子 十 分 緊 張 ， 萬 事 以 子 為 先 。

7:00pm
收 工 湊 仔 家 庭 最 大

提 起 家 人 ， 硬 朗 的 女 強 人 也 多 了 點 笑 意 ， 七 時 正 ， 胡 孟 青 準 時 收 工 回 家 湊 仔 。 她 的 丈 夫 是 IT 人 ， 夫 婦 都 要 工 作 ， 但 家 中 不 請 工 人 ， 兩 歲 大 的 兒 子 由 婆 婆 照 顧 ， 至 於 家 務 ， 「 老 公 做 ！ 」
每 晚 回 到 家 中 ， 老 公 負 責 煮 飯 餵 飽 一 家 ， 「 我 要 湊 仔 唔 煮 得 ， 佢 成 隻 黐 頭 芒 咁 ， 去 到 邊 都 黐 住 ！ 」 打 掃 同 樣 由 老 公 包 辦 ， 「 超 級 市 場 有 個 角 落 係 專 賣 清 潔 用 品 ， 我 老 公 特 別 鍾 意 行 ， 對 咩 清 潔 劑 有 咩 功 效 ， 好 有 研 究 。 」 胡 孟 青 與 丈 夫 一 起 十 四 年 了 ， 她 經 常 在 外 跑 來 跑 去 ， 老 公 則 在 家 中 打 遊 戲 機 、 睇 碟 、 聽 歌 ， 她 笑 言 ： 「 佢 有 佢 生 活 ， 我 有 我 忙 碌 。 」
最 近 換 了 新 屋 ， 亦 是 她 的 主 意 。 原 來 她 自 細 是 家 裡 大 家 姐 ， 下 有 三 個 弟 妹 ， 「 爸 爸 媽 媽 又 出 去 做 ， 所 以 我 係 屋 企 總 指 揮 ， 連 睇 咩 電 視 劇 都 係 我 決 定 。 」
但 面 對 兩 歲 大 的 兒 子 ， 她 也 要 放 低 指 揮 棒 ， 萬 事 以 子 為 先 ， 如 新 屋 便 是 為 了 讓 兒 子 多 點 地 方 玩 耍 而 買 的 ， 滑 溜 的 牆 ， 「 俾 個 仔 用 架 車 車 爛 啦 。 」 無 奈 的 語 氣 滿 布 寵 溺 之 情 。 以 前 的 胡 孟 青 事 業 大 過 天 ， 現 在 ， 問 她 人 生 中 什 麼 最 重 要 ， 「 梗 係 屋 企 重 要 啦 ！ 」 撰 文 ： 林 瑜 婷 　 攝 影 ： 于 港 民