1021的激情

1014這個日子，大球場座無虛席，全場爆滿。第二日成為全城話題，報紙更用兩板報導。

引用羅太所講：「不可思議的事情卻真實地在全香港不同角落發生了.  我們一起創造了一些歷史數字 －091021, 37549, 還有可恥和屈辱的0:1, 我們不會忘記, 亦不能忘記」

這場足球比場，的確令到好多人喊，好多人激動起嚟，而我亦不例外，每次諗起個心都係酸溜溜的！

大球場上一片紅海，真係回味無窮，一齊為南華打氣嘅聲音，真係好好聽！

人地話南華已成為香港品牌，我同意，因為佢已經受到人注意，亦都令好耐冇入場睇本地足球嘅人回歸球場！

場波雖然係輸咗，但我地唔可以放棄架，我地要以實力取勝，唔駛用d下九流嘅方法攞冠軍！今次全港球迷都會撐你地架，唔好喊，我地要堅強，大大聲話比呢佢地知，下次我地一定會清脆地打敗你地嘅！

強哥唔好喊....你已經踢得好好，係一個好隊長！睇見你咁樣，心都酸埋....

全場跑不停，知道你已盡力，完場第一個瞓咗係球場嘅你.....Peter！

賽後同人講起場波，有位對足球有資深認識，佢話南華今次踢得好好，戰術都啱，強歌就係踢"利物浦"謝四個自由人位，先由卡呢祖引開對方一對後衞，由強歌殺入攻門。但可惜強歌唔夠快，唔係已經入咗幾粒啦！而陳7太耐冇同隊波一齊踢，亦都配合唔到。

大家認為對嗎？我都唔知，但我知道全場南華的確有不少攻勢，只可惜把握力低囉！