檸檬同茶既愛情故事囧...

27-4-07,星五

今日(他媽的)會考考中文既閱讀同作文兩份!眼見要溫既不多,所以尋晚都唔算係通頂了~1點幾起身溫溫到4點就訓左~訓左兩個半鐘又起身啦~沖涼刷牙之後等多陣就出門口,之後過去東薈城搭37,好耐冇搭過37了~點知一上車就俾我見到個"飛機場"(知邊個啦咁多位~),仲要人多得濟差d撞埋一齊!好彩我反應快仆左去第二邊,如果唔係我既清白就係咁大~

上到車就一路企企到hoyu,到左就入去操場是但坐低等,之後上去準備,坐左係今日既98號位等開考既時候,我見到了!!!見到d咩??hahaha....唔講~之後正式開考!考左閱讀先,一路做做做,幾易啊~就只係後面文言文有d難...唔緊要~!做完就早走落去啦~唔想係禮堂無聊!

又係操場等左好耐,之後就上返去考作文,開考前睇左題目,有我最想出既形式"檸檬茶"!!呢隻出法自由度最高!想寫友情,親情又得,想寫難忘野又得,而我見到呢個題目果時就開始諗點寫好,原本諗住寫親情,但係又諗唔到點寫,友情又係,之後諗諗下....愛情!!見自己成日諗埋晒d愛情野,就寫愛情啦!之後又諗點寫愛情好啦...

原本我係想寫有個女仔好鍾意檸檬,又有個男仔好鍾意茶,兩個行埋左,點知個女仔又死左喎~!個男仔就係傷心緊既時候將檸檬同茶撈埋,成為左檸檬茶啦~但係,細節又冇咩頭緒......擬人!!就將檸檬同茶變成人啦!!之後就用上面個故事,再將檸檬同茶擬人,就開始左一個檸檬茶既"傳說"啦!!

係咁寫係咁寫,就咁寫到夠鐘!我咁大個仔第一次用晒d時間嫁咋!仲要第一次寫晒成張紙!最衰就真係一開始諗個故事果時諗得太耐,攪到最尾唔夠時間要草草了事!!如果唔係後面會寫得更好!!算啦...過去了~盡力就可以了!自問今次既吹水能力發揮得好好!!

考完就返屋企食飯,食完用左陣電腦,見無聊又唔想溫書住,就開始我計劃左好耐既呀英的"第二部PSP解剖報告"~!以下就係報告既內容:

我今日既工作枱~~

今次既主角-呀英的第二部p仔~!佢呀爸真係夠晒恐怖......呢幅係mon下面

再黎多張mon板照,真係打到彎左嫁!!唔係講笑

呢度係另一條傷痕

mon連接主板既...唔知咩~可見到同個mon分離左之後接駁位既裂痕

p仔load碟時!!BUT已經load唔出野...

最後...惡攪一張~

相就係咁多啦~最後結果,呀英部p仔真係冇救了......機死未算不能復生既,但係一個字:錢......畢竟已經傷及底板同umd光盤,同埋要再買返個mon,真係拎錢整就和味囉.......

報告整完~撿返好d野之後就玩電腦~玩到咁上下收到一個唔錯既消息:今晚落去別府食!!點解前幾次都落唔到,今次又得呢?因為我呀爸今次終於唔理我呀哥!我地三個落去食就算!正常既~真係要等我呀哥就唔知幾時先有得落去食...落到去,等左一陣就坐得低了~之後我叫左個泡菜豬頸肉拉麵+荔枝疏打~兩個都唔錯!但係我繼母果碗就出事啦()~佢食到差唔多食完果時,見到有條頭髮係度!!唔會係我繼母的,因為佢束起左頭髮~之後我呀爸就搵經理講啦~個經理就夠晒醒目啦!!二話不說就幫我地換返碗!!真係抵讚~~

等埋我繼母食完碗免費麵就返屋企,返到黎就好快手咁開機打blog啦~自己都知今日多野打...但係都打左一個鐘!!我打字太慢了~

考埋聽日中文,我既會考就"基本考完"啦~~~陣間睇埋d格式先~

今日係咁多~