網誌分類：心事 |
哥哥已經出左院, 但係原來佢係唔記得左我媽媽, 害到佢今次咁樣嘅前女友同埋生意上超好朋友個樣, 只係呢3個人, 醫生話因為佢出事之前, 一直都有情緒病幾年, 近年幾睇醫生, 應該係為左呢3個人, 所以今次出左事, 個腦已經唔記得佢地個樣!! 我知媽媽好傷心, 但真係要比d時間哥哥呀! 而我由出事到而家無喊過, 亦無去醫院, 有人話我無親情, 其實唔係, 眼淚在心裹流, 因為我又要顧住蘿蔔仔, 怕佢驚, 因為個個喊, 屋企當時又多警察, 蘿蔔仔狂問咩事, 佢話好驚, 我為左唔想個仔情緒再唔好, 我完全無離開過佢, 當無事同佢玩, 其實我都好辛苦!! 加上我有陰影, 唔敢入哥哥房, 同埋事情發生得太快, 我完全未消化到, 出事到無事, 只係兩日, 哥哥返到來, 好似另一個人咁樣, 蓮姨話算過佢, 當時係觀音保住佢呀! 因為當日我同我父母, 姑姐一齊同蘿蔔仔去睇醫生, 點知爸爸話返屋企先, 就係咁樣, 救返個仔, 如果唔係我姑姐話一齊去, 我估我哥哥就咁樣就會去左, 好多野係整定!
爸爸24小時都要睇住佢, 雖然佢似返以前無事咁樣, 但係怕佢前女友又再打來講d咩...(story太長) , 所以我都同大蘿蔔講, 當我同蘿蔔仔返日本果時, 會帶埋我父母同哥哥來住一排, 我都同大蘿蔔講要幫我家人, 又要幫蘿蔔仔, 因為蘿蔔仔原來在甲府唔開心, 係見唔到婆婆, 公公....大家都知..佢係由我媽媽一手湊大...完全無分開過...所以要我父母一齊過日本, 等蘿蔔仔慢慢去適應同接受, 但大蘿蔔唔太同意, 覺得到時會仲衰....蘿蔔仔出年4月要返學, 佢又唔識日文, 所以下星期開始, 會去學日文, 等佢學2,3個月先返日本, 會好少少啦!
下星期會再去睇呢個醫生, 睇下係唔係一定要睇心理學家, 原來都幾貴...幾千蚊/hr, 醫生叫我寧願睇心理, 好過做自閉評估(hkd6000), 醫生初步係話轉環境, hk生活太多人, 太好, 甲府無人, 唔習慣, 另外性格問題, 太硬, 知全部人就慣左, 另外佢未有社交生活, 唔識同小朋友玩, 再加上醫生話佢iq高(係唔係有得評估架?), 要心理學家教我點樣同佢生活!
最近新pc 係windows 7, 唔知點解好似成日都hang機, msn webcam又用唔到, 一開就hang up, 搞到大蘿蔔見唔到個仔添!! 有無人可以話我知咩事呀?
「做個智Net的」 2009-11-23 16:22
如果要保護子女的網上安全，家長應關注子女的上網習慣，並引導子女在網上做好自我保護的措施，便可以安心讓子女在網絡世界中暢遊了。如果想知道更多上網小貼士，可以來http://be-netwise.hk/看看呢！
haru仔 2009-11-17 21:21
桃公主 2009-11-01 16:12
希望你個仔同你屋企人快d冇事
睇完之後都感到你壓力好大，你自己都要小心身體，唔好捱壞呀，大家都靠你。
而家d日本人唔係個個咁好，咁你地有冇考慮搬走﹖
Junma 2009-10-26 16:13
小朋友一返学,同同齢ｄ小朋友係一起，会好快学識日文同埋ｄ習慣,吾使太担心,我囝囝大蘿蔔仔一個学年,都係甘過,有機会大家交流下。
小金marcus 2009-10-21 09:01
辛苦你了...蘿蔔太太....你返到香港都要舒舒氣呀,找朋友傾計吃飯啦!
其實小朋友一齊玩唔一定要用說話,帶蘿蔔仔去多D 家附近的playground,小朋友自然會識玩喇..(仲學埋日文添)......唔駛擔心!
螺絲粉 2009-10-18 00:03
小雲.jp 2009-10-17 13:05
可以和購買店商量一下。
***
蘿蔔仔入學後有了自己的朋友仔後，我想日文自然會提升，不用牽掛。
***
面對人際，往往都在意料之外，在於一念之間。
希望抱持著平常心，不要過於太焦急，
保持冷静的心境找出解決之道。加油！