準備過澳洲發展既姪仔

聖誕節都就來到啦            上禮拜日           老公姪仔來搵老公          話想過澳洲            真系令我地吃驚唔少

姪仔舅父過澳洲十幾廿年啦          系果邊開餐廳          我同老公都奇怪          點解姪仔唔早d過去呢          e+先來話去          姪仔都十八歲啦          都唔知過去讀書好定系幫佢舅父手好呢

又聽姪仔話           佢出年四月仲要返來會考           我地就更加唔明         咁樣走澳洲一轉           搞到兩邊都心掛掛           都末開始搵錢            就開始晒錢        又晒錢又晒時間           系都等會考完先啦           唉             人人諗法唔同           都唔到我地比意見啦

姪仔雖十八歲          不過我地同佢成日見面         我地當佢好似我地既仔一樣          我地知佢思想簡單          咩都聽佢父母講           仲系一個好天真幼稚既細路仔來          我不由擔心佢           要突然離開父母去澳洲         佢得咩           以佢既性格           佢能成功咩

我不由諗返我好似佢咁既年紀           已開始踏入社會做野了           曾試過同姪仔傾計             佢好怕面對出來做野呢個事實            我就唔明           家裡環境唔好         讀書又唔系叻           做咩唔出來做野呢         況且姪仔下面仲有個細佬細妹          就算要去澳洲發展            都應該早計劃啊

安安穩穩系香港搵份工             點都好過e+都十八歲啦         仲要離鄉背井出外國啦            諗返我既人生            22歲離開家鄉            一晃就十幾年啦           都系因初初事出有因姐           有邊個幸福家庭          願忍受骨肉分離既痛苦          有邊個仔女想離開自已家鄉離開父母           離鄉背井           受盡人間冷暖呢

況且要想出外國讀書           就一定要有拿學位            出人頭第既打算          唔好以為出到去都系玩玩下            真正有心讀好書既人            系外國一日都需花八         九個鐘系圖畫館既             冇呢個心理準備            去來又有咩用呢

問到姪仔諗住過到去           系準備讀書定做野呢           佢答我地唔知唷          先過去睇下先算囉            我就建議佢          若果一心諗住出去既           就幾年都唔好諗返來           一定要有闖出個名堂來既準備先去啊

唉            照我睇           佢屋企既環境            佢都系留系香港          穩穩當當打份工好d唷             過去做咩鬼呢