電影

電影,一個既簡單又明快的媒介.可以在短的時間內,講一個完整而意思的故事給觀眾.有人視電影為消磨時間的消耗娛樂工具.有人視電影為洗滌心靈的教化工具.或許,這只是時間和心態上的差異,究竟是娛樂?還是教化?其實因人而異,只要用幾十蚊買張飛入場,在離場時感到值回票價.就已經足夠

在屯門睇戲一直都是一種非常經濟的娛樂,35蚊睇套戲.超值!!!!因此我們是戲院的座上客,一群走在電影業界尖端的首輪份子,一般來說,上映第一個星期的就已經去睇了.最近,我這個娛慶節目多了很多朋友共同參加.昨晚,五個大男人在巨羽決戰之打爆粒lin後,一次既學術又無聊既對話中,帶有效率而草率地作了決定.去睇"超鼠特攻"......如果你問我,好唔好睇,我唔識答.但我可以答你,我好開心,感覺好滿足,好實在!!!其實最近好多次同一大班巨羽份子去做既活動,每次都有e個感覺帶回家.無論打邊鑪睇戲還是打麻雀.我都覺得好開心好期待下一次的活動.無論戲好唔好睇,d野好唔好食.都已經唔再太重要了!!!!!!所謂醉翁之意不在酒!!!!

講返主題先,今早我一個人去左睇"麥兜玩噹噹",有試過搵同道中人,可是不幸時間不合.因此再次決定自己一個人去睇.最近試過幾次一個人去睇戲.原因係自己曾經應承自己有時候決定左的事,唔可以因為無伴而拖拖拉拉.所以堅決今早去睇.(抱歉沒有等你一齊).我買飛畫位o個陣話一張,個姐姐仔仲好奇怪咁講:下,你一個人......其實自從波羅油王子後,對麥兜有某程度上的喜好.因為當中笑中有淚.在自己的個人觀感中,麥兜係小朋友眼中係一套喜劇,可是係某些人心目中是一套悲劇.無奈彷彿是世界的一部份.一直我都希望心境上處於小朋友,無理別人做大細路,唔成熟.......甚麼也好.但我相信,DONT THINK IN A BOX!!!想像力應該係無限,唔應該用個框框去阻礙自己.戲中喜歡用新舊交替的時間作背景,自己喜歡舊事情覺得內在格外有味道,有故事.大角咀,本來可算是九龍的貧民舊區,但近幾年不停重建.舊區不再舊.變成有新九龍城寨之稱的豪宅區.但是原本的那班住板間房,住籠屋的貧民呢???其中一段的感動位,大約如下:麥太同麥兜講"媽媽係出面做野,唔係好成功,但係無論幾辛苦,最開心就係返到來,可以見到你食我煮既野."做人其實有時好辛苦,最辛苦就係你唔知做來為乜,不斷追不斷追,可能到頭走要既野一直都係身邊.還有一段好有感覺的就是"叮一聲變左既野一d都唔奇妙 d野經過好耐都仲係一樣先奇妙 "係我眼中係講緊一種堅持和信念.世界不停轉不停變.要有堅持和信念是一件非常困難的事.一來在世界難以獨善其身,二來自己都不知不覺忘記了自己的方向.迷失了原來的自己.還有一句共鳴的就是提及的道家思想「人法地,地法天,天法道,道法自然。 」,可能最近有朋友話我好樂觀....我其實自己都唔肯定,因為我覺得自己對人生都好無奈,或者我放下了不少執著,個人化左啦.既然改變不了,只好做好自己活在當下罷!!!!當中還有很多意義,我都不在此講太多,有興趣自己去感受一下啦.

與友人一席話,一套好電影是可以令人有所啟發!!!