又一個新開始

既然開左個新blog，等我記下呢2日發生過的野啦。早2日出街，撞到個好攪笑既小朋友。當時我係排緊隊搭車既。點知，佢一行埋黎就大聲同佢姑姐講左一堆好好笑既野，以下係佢地既對話:

小朋友:姑姐!點解你唔嫁俾劉德華o者!?佢好有錢架喎!

姑姐:...(呆一呆)下...我都知，但係劉德華好難嫁架喎..

小朋友:點解呀?!

姑姐:佢...佢結左婚架喇..

小朋友:甘呀, 甘你點解唔嫁俾郭富城呀?

姑姐:...(再呆一呆..)點解我要嫁俾郭富城呀?

小朋友:型lor!

姑姐:...(完全啞左)

小朋友:張國榮都得架喎.

姑姐:張國榮...佢死左架喇喎..

小朋友:唔係呀，以前呀!

姑姐:..

小朋友:甘張學友呀，點解你唔嫁俾張學友呀?

姑姐:佢結左婚架喇..

小朋友:...我有冇講過李克勤呀頭先?

姑姐:冇, 你冇講過。(-_-")

小朋友:甘你嫁俾李克勤啦!

姑姐:..佢就結婚架喇。

小朋友:哎呀!!

聽完之後，我真係好想笑，但係如果我係佢姑姐，就真係只可以苦笑喇~