怕死

前晚去了稻香打邊爐

可能食左鮑魚仔同扇貝,帶子等

當晚瞓瞓下  發覺全身麻痺  呼吸困難

叫醒屋企人   我已經好辛苦  全身冇力  

媽咪見到我咁   佢好驚   係咁用白花油同我全身拍打

但係果種麻痺就好似休克既感覺仍然存在

果一刻  我真係以為自己會死 

果一刻   我個心諗  我真係好唔捨得我父母    我唔知我份保險夠唔夠佢地用

仲有好唔甘心因為未環遊世界   仲有好多好多野我未做

當時  我已經控制唔到身體  只係對眼唔敢合埋    好驚好驚一合埋就會死

之後   仲肚痛   佢地扶住我入廁所

我一痾就一下嘔埋

返回上床   麻痺感仍在

我捉住媽咪隻手    不停講我好驚

佢就不停為我拍打全身

果一刻我雙眼望住佢   好感動

呢個世界   真係得父母可以對我無微不至既愛   果種愛無野可以媲美

之後  好返少少   我先放心合埋眼

而媽咪就坐係我床邊陪住我由4點幾到7點幾  

佢擔心我  所以請左假  仲陪我睇醫生

醫生話我食左毒帶子   會全身麻痺同急性腸胃炎   有d人入到急症都仲成身抽晒根

呢件事   我發現左自己原來真係好怕死

原因係我仲有好多心願未了

我諗   由呢日起   我要對我屋企人更加好    我要盡快有機會就去做我想做既事

生命有限     珍惜一分一秒