網誌分類：歐洲行 |
Hostel包早餐, 非常之唔錯! 今日個tour係10:30出發, 所以我哋朝早就先周圍行吓, 去咗hofoi house, 就係列根同戈巴卓夫開和平會議既地方.
之後就番番去hostel樓下等車. 初初見到iceland excursion既車, 差d就衝咗上車, 好在醒起我哋join既係reykjavik excursion, 而唔係iceland excursion! 上咗車之後, 原來架車唔係直接出發, 而係先去佢哋既office, 用張e-ticket嚟換飛, 再上車.
我哋今日join既tour就係The Blue Lagoon tour, 每人3,395ISK (1HK$=8.5ISK)(即係差唔多HK$400). 其實都唔算係tour, 之不過係包車同入場費, 因為如果自己搭車去唔係好方便.
一落車就見到blue lagoon個石牌, 跟住就有條小路通往blue lagoon正門, 兩旁都好有多好似火山石既物體. 而喺正門旁, 又有另一條小徑, 沿住條小徑行就會見到眼前係一大池既藍色既水, 好靚. 喺度玩咗好耐先捨得入番去.....
用張ticket換咗個hand band同sample shampoo就入閘. 入閘同埋locker既開關都係靠條hand band, 好自動化. 工作人員同我哋講話入去blue lagoon浸前要沖身, 同埋記住紥起d頭髮, 因為温泉水只係對皮膚好, 但係就會對頭髮有害, 仲叫我哋浸完後起碼用三次沖身室提供既conditioner.
呢度d水唔似日本嗰d咁熱, 反而有d似匈牙利嗰隻, 所以浸耐d都唔怕. 哇!真係好正呀!!!!!
除咗浸之外, 仲可以做massage, 不過當然就另外收錢啦! 不過睇到d人喺藍色池水上做massage, 個feel真係好正咁!!!
http://www.bluelagoon.com/Blue_Lagoon_Spa/
Blue Lagoon既另外一個特色就係佢既silica mud. 但係記住呢d silica mud係放喺個木箱入面 (喺池邊有好幾個木箱), 而唔係池底嗰d, 我見到有個女人喺池底撈咗d泥既物體放喺面上, 好恐怖.......
silica mud係白色既, 可以放喺面上, 皮膚任何一個佈位, 仲知就唔好放喺頭髮上. haha, 做完個mask之後, d皮膚又真係好似滑咗喎!
佢另外仲有steam bath同sauna. 不過最正都係一個喺lava cave入面既steam bath! 初初只係見到有d男人出出入入一個洞穴既物體, 但係個木門上面又無寫係乜. 後來終於見到有女人入, 所以先放胆入去睇吓. 一開度門, 就有一股熱氣走出嚟, 我朋友嚇到即刻關埋度門. 於是我再開門, 今次有心理準備就好d, 只係見到裡面好黑, 隔咗一陣就眼識認咗, 先見到原來係個steam bath, 洞周圍都有木做既坐位. 好熱, 但係好正, 隔一陣就會有d steam噴出嚟, 但係坐唔到好耐, 因為就係熱得好利害.
不過呢個就係同普通既sauna差好遠, 呢個有feel好多! 所以臨走前又入去多一次!
